Và al contegnud

Ospedaa del Broeu

De Wikipedia
Lumbard ucidental Quest articol chì l'è scrivuu in lombard, grafia milanesa.

L'Ospedaa del Broeu a l'è staa 'n antigh ospedaa de Milan, istituii in del 1158 de l'union de du ospedaa del passaa: l'ospedaa de San Barbabà al Broeu, fondaa del Goffred de Busser, e l'ospedaa de San Steven a la Roeuda, foeura di mura romann ma dent di Navili.

Citaa del Bonvesin de la Riva in del sò "I grandoeur de Milan" e descritt 'me ospedaa pussee grand de la città e de la zona, l'era finanziaa di donazion di milanes, la pussee importanta voeuna del Bernabò Vescont che l'eva donaa di terr in la zona de Lod e Cremona de che ciappaven la decima.

Quand che in del 1456 l'ha vert l'Ospedaa Maggior, l'ha perduu via via importanza e in del secol quell de 17 l'ha saraa su.

Bibliografia[Modifega | modifica 'l sorgent]

  • Storia di Milano, Milano 1957, Fondazione Treccani degli Alfieri
  • Vincenzo Bevacqua, "L'Ospedale del Brolo", La Ca' Granda 2004, n° 2, pp. 30–37. (testo in pdf)