Faroe

I isole Faroe (Føroyar -che'l voeul dì "isole di ber"- in faroes, Færøerne in danes) a inn un possediment de la Danimarca, in de l'Ocean Atlantegh.
I gh'hann pressapoch 48.000 abitant.
I isole a inn una Nazzion costitutiva del Regn de Danimarca e del Folketing, o ben el Parlament danes, che el ciapa denter anca Danimarca e Groenlandia. La capital a l'è Tórshavn.

I Faroe fann part de l'Europa. Se troeuven in de l'Ocean Atlantegh setentrional, pressapoch a metà strada in tra l'Islanda, la Scozia e la Norvegia.

Geografia[Modifega | modifica 'l sorgent]

L'isola desabitada de Lítla Dímun.

El pont pussee volt de l'arcipelagh: el Slættaratindur (882 m), in su l'isola de Eysturoy.

I Faroe innn un arcipelagh formad de 18 isole, al largh di coste setentrionai de l'Europa, in tra el Mar de Norvegia e el nord de l'ocean Atlantegh, a metà strada in tra l'Islanda e la Norvegia. I so coordinade inn 62°00′N 6°47′W / 62°N 6.783333°W62; -6.783333, hann una superfis de 1 399 , e presenten minga grand lagh o fium. La linea costera la se stend per 1 117 , a l'è contornada in tant pont de scoeujere e ciarament el gh'ha minga confin de terra con di pais. El pont pussee volt a l'è el Slættaratindur, 882 meter sora el nivell del mar. L'unega isola desabitada a l'è Lítla Dímun.

I 18 isole a inn Fugloy, Svínoy, Borðoy, Viðoy, Kunoy, Kalsoy, Eysturoy, Streymoy, Vágar, Mykines, Hestur, Koltur, Nólsoy, Sandoy, Skúvoy, Stóra Dímun, Lítla Dímun e Suðuroy.

Clima[Modifega | modifica 'l sorgent]

L'isola de Eysturoy in d'una sira de otober.

Diagrama relativ ai temperadure medie e ai acumui de la pioeuva annui de Tórshavn.

Segondo la classifegazzion di clim de Köppen, i Faroe gh'hann un clima oceanegh subpolar. Impunemanch, l'è rilevanta fess l'influenza colda de l'Ocean Atlantegh, e in particolar da la correnta nord-atlantega. Quell chì, insema al continov transit de perturbazzion che vegnen de nord-ovest, el garantiss invern mit (con la temperadura media in tra i 3 e i 4 °C) e estad fresche (temperadura media in tra 9,5 °C e 10,5 °C)^[1].

In sui isole despess el bofa el vent e a gh'è la scighera. Gh'hann de sorapu un cel squas semper covert, tant che in media se registren 260 dì l'ann con precipitazzion e che i dì de sol inn pussee rar de quei nivol.

El 5 setember 1966 i Faroe inn stade colpide de l'uragan Faith, con vent che hann superad i 160 . Poch dopo havé colpid la capital Tórshavn, a l'è stad declassad.^[2]

La registrazzion di dat meteorologegh in di Faroe l'ha tacad in del 1867.^[3]

Politega[Modifega | modifica 'l sorgent]

I Faroe inn semper stade un possediment scandinav: a partì del secol XI, eren un possediment de la Norvegia, poeu (1380) del regn norveges-danes e, del 1814, domà de la Danimarca.
Dopo de la segonda guerra mondiala hann otegnud un'autonomia semper pussee granda.
In del 1973, quand che la Danimarca l'ha aderid a l'Union Europea, i Faroe hann decidud de stà foeura.

Organizazzion politega[Modifega | modifica 'l sorgent]

Note[Modifega | modifica 'l sorgent]

↑ Il clima delle isole, da meteogiornale.it
↑ (EN) GHCN Climate data, Thorshavn series 1881 to 2007
↑ (EN) Copia archiviata. URL consultato in data 25 agosto 2013. (archiviato dall'url originale in data 17 marzo 2012) Plant production on a Faeroese farm 1813-1892, related to climatic fluctuations

[1] Il clima delle isole, da meteogiornale.it

[2] (EN) GHCN Climate data, Thorshavn series 1881 to 2007

[3] (EN) Copia archiviata. URL consultato in data 25 agosto 2013. (archiviato dall'url originale in data 17 marzo 2012) Plant production on a Faeroese farm 1813-1892, related to climatic fluctuations

[1]

[2]

[3]