Canal Emilian Romagnoeul
|
Quest articol chì l'è scrivud in lombard, con la Noeuva Ortografia Lombarda |
.jpg)
El Canal Emilian Romagnoeul (Canale Emiliano Romagnolo in italian) a l'è 'n oeuvera idrega, in tra i pussee important de l'Emilia-Romagna e de tuta l'Italia, che 'l mena l'aqua soratut - ma minga domà - per l'agricoltura. Longh 135 km, el nass del Cav Napoleonegh, con l'aqua ciapada del Pò e, pussee inanz, del Ren, e 'l riva fina a la zona de Rimini.
Di proget per un canal per portà l'aqua, anca se domà in Emilia, a l'epoca part de la Lombardia storega, gh'eren sgiamò in del 1600, quand che l'abad Raffaello Tirelli l'ha insubid al Duca Ceser d'Est una deviazzion del Po per daquà i zone de Ferrara, Bologna, Resg, Modena, Parma e Piasenza, ma l'è mai fad su. Poch dopo de l'unità d'Italia, in del 1863, un proget compagn l'è insubid al governo de Turin, ma l'è menad no inanz per di reson politeghe.
Domà in del 1939, dopo de 'n alter proget mai fad in del 1893, l'è aprovad, ma la guerra mondial la ferma tusscoss, e 'l lavorà el scomincia domà in del 1955, cont el proget final aprovad in del 1947, con la derivazzion del Pò a Bonden, al confin in tra l'Emilia-Romagna, la Lombardia e 'l Veneto.
Bibliografia
[Modifega | modifica 'l sorgent]- "Una storia lunga 135 chilometri", Sonia Lenzi, rivista IBC (Istituto Beni Culturali regione Emilia-Romagna), XXV, 2017, 4