Delta del Pò
|
Quest articol chì l'è scrivud in lombard, con la Noeuva Ortografia Lombarda |
El delta del Pò a l'è l'insema di diramazzion che, in tra la provincia de Ferrara e quella de Rovigh, che permet al Pò de sortì in del Mar Adriategh. La soa forma del dì d'incoeu l'è stada definida del terramot de Ferrara del 1570 e del taj de Porto Viro, fad de la Republega de Venezzia del 1604.
Per vesser pussee precis, el delta "propi" a l'è domà dent del Veneto, ma quell storegh se troeuva anca in Emilia, e l'è tutellad de l'UNESCO 'me patrimoni de l'Umanità insema propi a Ferrara.
A l'è un parch regional sia in Emilia-Romagna che in Veneto: a l'era prevista l'unifegazzion di do parch in d'un parch inter-regional, ma a l'è mai stad fad.
La pussee granda diramazzion del delta a l'è el Pò de Gor, gh'è poeu el Pò de Volan e quell de Gnocca: un temp a gh'era anca quell de Adria e de Primaro.
Ligam de foeura[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Delta del Pò
