Pagina principala
|
Vox ind la vedrinaEl John Winston Ono Lennon, nassud ‘me John Winston Lennon (Liverpool, 9 de otober del 1940 – New York, 8 de dicember del 1980) l’è stad on cantautor, polistrumentista, artista e ativista britanich. Del 1960 al 1970 a l’è stad composidor e cantant del grup musical di Beatles, in di quai in cobia cont el Paul McCartney, l’ha anca compost la pupart di canzon. Cont el McCartney l’ha formad vuna di partnership musicai de sucess pussee importante de la storia de la musica del secol quell di vint. A l’è 'l cantautor pussee nominad in la storia di classifiche inglese seguid del McCartney. In del 2002, in d’on sondagg de la BBC sora i 100 personalità britaniche pussee importante de tucc i temp, el s’è classificad otav. Terminada l'esperienza cont i Beatles, el John Lennon l’è anca stad musicista solista, autor de dissegn e test poetegh, de sorapu l'è stad anca on ativista politegh e on paladin del pacifismo. Quest el gh’ha portad di problem cont i autorità statunitense (FBI), che per longh temp, a consideràll on soversiv, i hann spionad tute i so atività e quei de la mier Yōko Ono, e diverse volte s'inn refudad de dàgh la green card. L'è stad sassinad a colp de revolver, d'on so fan de lu, el Mark David Chapman, la sera del 8 dicember del 1980 a New York. El Lennon l’è andad in spos do volte: el gh’ha havud el fioeul Julian del prim matrimoni con la Cynthia Powell, inveci del second matrimoni con l'artista giaponesa Yoko Ono l’è nassud el fioeul Sean. Tucc e du i fioeui a inn andad adree a la carrera artistica del pader. Dopo el matrimoni con la Yoko, el John l’ha mudad legalment el so nom in John Winston Ono Lennon. John Lennon l’è al 5º post in la lista di 100 cantant pussee bon segond Rolling Stone. (Va inanz)
A l' savivet qe ...La Cassina Caldera (Cascina Caldera in l'italian d'incoeu) a l'è 'na cassina de Milan, in antighità autonoma, incoeu part del Parch di Cav. La Cassina l'è stada fàda su intorna al 1400: De fatt a l'éra mìnga manzonada in di ducument de la Piev de Trenn del 1300. I primm citazion risalissen al 1422, in d'on ducument de gesa. A l'epoca a l'era on largh fond ecclesiastigh, ma in del 1538 a l'è passa de la Città de Milan a la nòbil familia di Rainold che ghe fann su 'na cà colonega, ma el se sa mìnga comé l'è staa passaa de la Gesa a la Città. L'è manzonada a nivell offizial in di cart teresian del 1751, ma giamò in del 1638 a l'è manzonada in d'on censiment privaa 'me cassina arenta a Quint. In del 1757 a l'è taccaa a Quint in del reordin teresian del territori del Ducaa de Milan, anca se giamò in del principi del secol a l'éra considerada part del comun a nivell del Cadaster, assee comun per i cassinn in del Ducaa. (Va inanz)
Ind i oltre lengue...I dex Wikipedie con plussee articoi: Ingles, Cebuan, Todesc, Svedes, Frances, Olandes, Russ, Spagnœl, Italian, Arab Egizian Oltre lengue minoritarie: Piemontes, Catalan, Sardegnœl, Galles, Galizian, Ciovaç, Alemann, Sicilian, Tatar de Crimeia, Mannes.
Un proverbe a cas
"L'è mei vergot qe negot" |
Ocio!
WikipediaWikipedia l'è un'enciclopedia libera e portada inants apena de utents volontare. Ol so obietiv l'è de menar la cognossenza libera a tuts e in plussee lengue qe s'pœl. I nost Cinq Pilaster i è:
Una vox de scriver
Cossa s'pœl far?
|