Tron

De Wikipedia
Lumbard ucidental Quest articol chì l'è scrivuu in lombard, grafia milanesa.
On temporal.

El tron o tronada, ton, tonada l'è 'l frecass provocaa de l'onda d'urto de on fulmin[1].
A segonda de la natura del fulmin e de la distanza de chi che 'l varda, o che 'l se manifesta tant 'me on colp secch e fort o comè on romb bass e longh.

El nomm[Modifega | modifica 'l sorgent]

La parolla tron o ton l'è on'evoluzion del latin tonus, e l'è comuna a quasi tutt i lengov neolatinn (italian tuono, catalan tro, spagnoeu trueno, frances tonnerre, galizian trono, romen tunet, sicilian tronu). L'è comuna anca a la radis germanega *thunraz[2] (varda l'ingles thunder, el todesch donner, l'olandes donder...), che la regorda anca el dio Thor, che l'era proppi el Signor di tron. Di paroll compagn je troeuvom anca in di lengov celtegh (irlandes toirneach, scozzes tàirneach, manx taarnagh, galles trystau, breton taran).
La variant tron l'è doperada in de la Lombardia ocidental, in Piemont, in Liguria, in Emilia, in di March, in Umbria, in del Lazzi, in Campania, Calabria, Sicilia, Basilicada e Sardegna. L'era doperaa anca in de l'italian antigh. La variant ton inveci l'è tipega de la Lombardia oriental, del Venet, del Friul, de la Romagna, de la Toscana e de Roma, oltra che di Grison (Rumantsch Grischun Tun) [3].

Referiment[Modifega | modifica 'l sorgent]

  1. Gabriele Formentini (2009). Temporali e e Tornado (in italian). Alpha Test, 90. ISBN 978-88-483-0992-9. 
  2. etymonline.com
  3. NavigAIS, carta numer 398.

Vos corelaa[Modifega | modifica 'l sorgent]