Stralusc

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
On stralusc in d'on temporal.

El stralusc (ciamaa anca stranusc, loeusna, lusnada, dalfin, sumelegh[1]) a l'è on lusor improvis in de l'atmosfera. Despess el vegn sconfonduu con la saetta.

Caratteristegh[Modifega | modifica 'l sorgent]

On stralusc che se pò notà in del cors d'on temporal l'è faa su de tancc event lusnent separaa vun de l'alter: quei chì a nassen de ona serie de process elettregh, cont i quai la ven trasferida la carega elettrega in tra i center dotaa de carega oposta dent ona nigola, tra ona nigola e 'l soeul, in tra dò nigoi, in tra ona nigola e l'ari. Quei process chì riven vun dopo l'alter in meno d'on segond: el stralusc el riva prima del tron, perchè 'l sò son el viaggia a ona velocitaa ben pussee inferior. Donca parlom del lusor ligaa a la formazion de pussee d'ona saetta, che despess se poeuden minga distingh vun de l'alter.

El nomm[Modifega | modifica 'l sorgent]

Bona part di nomm doperaa in lombard per el stralusc hinn ligaa al concett de lus.
Stralusc e variant l'è doperaa in del Milanes e in del Tesin, insemma a loeusna e lusnada.
Sumelegh e variant l'è doperaa in de la Bergamasca e in del Bressan.
Dalfin l'è ona parolla bressana e trentina ocidental.

Referiment[Modifega | modifica 'l sorgent]

  1. NavigAIS, carta numer 392

Vos corelaa[Modifega | modifica 'l sorgent]