Tram ATM 1500

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Tram ATM 1500
Tram
Tram ATM storico 1503.jpg
El tram in allestiment storich
Agn de projetazion 1927
Agn de costruzion 1927-1930
Agn de esercizi 1928-
Quantitaa produxida 502
Costruidor Breda, Carminati & Toselli e alter
Lungeza 13'890 mm
Largeza 2'350 mm
Alteza 3'230 mm
Capacitaa 29 settaa, 101 in pee
Quota del pian del pestar 742 mm
Scartament 1'445 mm
Pass di carrei 1'625 mm
Massa a vœd 15 t
Velocitaa massema omologada 40 km/h
Alimentazion 600 V CC
Daits ciapads da:
Dacc ATM

I Tram ATM 1500 hinn 'na familia de tram de la ATM drovaa dal 1928 in su la red di tram de Milan. Per quest l'è ciamaa popolarment Vintott.

Grazia a la sò robustezza l'è staa possibil salvài di bombardament de la segonda guerra mondial e mettij a post cont pocch lavorà. A l'è doperaa anca foeura de Milan: La red di tram de San Francisco la dopera ona desina de Vintott per la storega linia F, on para hinn in Missouri e vuna l'è stada a Melbourne, poeu spostada in del musee tramviari de Sydney in del 2015. Anca i Red de Madrid e Bruxelles han vist, per on quaj ann, i Vintott in sui sò binari.

Storia[Mudifega | mudìfica 'l sorgènt]

La veggia cabina passeggee

Anca se la se ciama Vintott, el primm prototip de la Carminati & Toselli a l'è del 1927, immatricolaa 1501. In del febrar del 1928 a fann el prototip 1502, e in del gir de on para d'agn vegnen faa 500 unità e hinn mettuu in servizzi cont i numer da 1503 a 2003.

Originariament a dò port, dal 1931 l'è stada giontada 'na terza porta a metà per facilità el moviment e l'access al salott di fumator in coa. In del midemm ann el banch del biliettari a l'è spostaa dal center, per la noeuva legg in sui mezz publegh.

Cont i bombardament di Liaa de la Segonda Guerra Mondial squasi tucc i unità a hinn danegiaa, ma grazia a la sò resistenza vegnen reparaa tucc, foeura de la 1624, danneggiada irreparabilment.

A l'inizzi di agn 1970 la livrea verda l'è sostituida del naranz ministerial, poeu impost a tucc i mezz publegh d'Italia. Sempre in di midemm agn la perteghetta, despess causa de dagn ai cav e de sortii del percors, a l'è sostituta cont el pantograf, cont di intervent finii in del 1978.

In del dicember 2008 a hinn recoloraa cont ona livrea gialda bicolor, in riferiment ai primm prototip, in di agn successiv poeu spantegaa ai tram 7500, 7600 e 4600/4700. Però i tram dedicaa a l'addestrament e al servizzi tecnegh a hinn restaa naranz.

In del 2010 i mezz a hinn staa refinii, cont l'introduzion di noeuv separé in tra la cabina e la sezion passeggee e di noeuv costruzion in legn.

Vittur particolar[Mudifega | mudìfica 'l sorgènt]

  • 1503, vettura storica, fada come l' original in del 1996
  • 1552, vettura de servizzi doperada in di addestrament, in livrea naranz
  • 1699, vettura special Tramito, tram coloraa de ross dal 2001 per i servizzi scolastich
  • 1702, colorada bianca dal 1982 e doperada per i ficc e per la pubblicità
  • 1723, vittura special, colorada verda bicolor in del 1994 e doperada per i pubblicità
  • 1794, vettura de servizzi doperada per trainà i Sirio guast.
  • 1796, taccada a la 1973 in del 1984 per fà el prototip a dò cass 4500 (II), accantonata
  • 1822, vittura special doperada per ficc e pubblicità, originariament in sostituzion de 'n alter frM
  • 1847, vittura special, doperada da fin 1994 per i servizzi in ficc e de pubblicità in livrea biverda
  • 1855, dal 2006 doperada per el restorant in moviment ATMosfera
  • 1908, originariament 1502, in attesa de vess restaurada
  • 1915, vettura de servizzi, doperada per trainà i Sirio s'ceppaa
  • 1927, doperada per i reclam de la Saiwa, incoeu a l'è accantonada
  • 1949, vettura de servizzi fada per i proeuv de ingombr Sirio, accantonada
  • 1955, vettura de servizzi cont el spazzanev e pantograf sperimental.
  • 1957, vettura special, colorada d'arsgent dal 1999 e doperada per i scoeul.
  • 1966, vettura de servizzi cont la perteghetta
  • 1970, vittura restorant doperada dal 2006 per ATMosfera
  • 1973, taccaa a la 1796 in del 1984 per fà el prototip a dò cass 4500 (II),
  • 1980, in livrea naranz e doperada per i servizzi speciai.

El Vintott in del mond[Mudifega | mudìfica 'l sorgènt]

Vuna di vettur de San Francisco

In l'agost 1929 on'unità a l'è stada mandada a Bruxelles, e in del 1932 a l'è mittuda in servizzi cont matricola 5001. In del 1935 l'è revenduda a Madrid, che la numera prima 1001 e poeu 1000. L'è retirada del servizzi in del 1965.

In del luj 1929 a Francofòrt l'è noleggiada per ses setteman 'na Vintott per el congress internazional di tram e straport publegh. A l'era proprietà de la Breda e a la fin de l'Esposizion l'è mandada a Milan in servizzi regolar.

In di vari agn 'na desina de Vintott hinn staa venduu a San Francisco e hinn doperaa sia in circolazion, in su la linia F, sia per l'addestrament di manetta.

Galleria de foto[Mudifega | mudìfica 'l sorgènt]

Vos correlaa[Mudifega | mudìfica 'l sorgènt]

Bibliografia[Mudifega | mudìfica 'l sorgènt]

  • Giovanni Cornolò, Giuseppe Severi, Tram e tramvie a Milano 1840-1987, Milano, Azienda Trasporti Municipali, 1987, pp. 86–93.
  • Guido Boreani, Un tram che si chiama Milano, Calosci - Cortona, 1995. ISBN 88-7785-113-9