Sydney
|
Quest articol chì l'è scrivud in lombard, con la Noeuva Ortografia Lombarda |
Sydney a l'è una cità australiana, capitala del Stat federad del Noeuv Galles del Sud. A l'è in del sud-est de l'Australia e l'è la cità pussee popolosa, granda e antiga del paes (fundada in del 1788). La City of Sidney, el center storegh, la gh'ha domà 164.547 abitant ma l'area metropolitana la riva a circa 5 milion de abitant: a l'è de fad la cità pussee popolosa de l'Oceania.
A l'è la cità pussee importanta del paes per la finanza, i trasport, i comerci e la coltura.
Geografia fisega[Modifega | modifica 'l sorgent]
Territori[Modifega | modifica 'l sorgent]
Sydney la se troeuva in tra el Mar de Tasman a est, i Blue Mountains a ovest, el fium Hawkesbury a nord e l'altopian del Woronora a sud. El center de la cità el gh'ha una superfis de 25 km²; la Granda Sydney, l'area metropolitana de Sydney, la se spantega per 12 367 km², inscambi l'area urbana en ciapa domà 1 687 km².[1][2][3] De sorapu, el gh'è el pussee grand port natural al mond, Port Jackson, e pussee de 70 spiage, 'me la famosa Bondi Beach.
Storia[Modifega | modifica 'l sorgent]
.jpg)
L'area che la sercia el Sydney Harbour a l'è stada abitada, per almanca 45 000 agn, da diverse tribù aborigen, che la ciamaven Warrane; i principai tribù de la zona eren i Eora e i Cadigal. I europee hann tacad a interessàss de la zona a partì del 1770, quand che el capitan James Cook el ved Botany Bay (incoeu una part meridionale de Sydney). Per ordin del governo britanegh, in del 1788 l'Arthur Phillip el fonda in quella zona chì una bas carceraria[4]. El Phillip el sbarca a Botany Bay, ma el scerniss poeu de andà pussee a nord e 'l fonda el stabil definitiv a Sydney Cove, in Port Jackson.
El Phillip el da nom a la colonia New Albion, ma per motiv minga ciar la ciapa el nom de Sydney, del Lord Sydney (Thomas Townshend), che l'haveva dad al Phillip l'autorizazzion a fondà la colonia.
Note[Modifega | modifica 'l sorgent]
- ↑ (EN) Sydney inner city: region data summary. Australian Bureau of Statistics (archiviato dall'url originale)
- ↑ (EN) "Greater Sydney: region data summary. Australian Bureau of Statistics (archiviato dall'url originale)
- ↑ (EN) Census of population and housing: selected characteristics for urban centres, Australia. Australian Bureau of Statistics (archiviato dall'url originale)
- ↑ Portale Australia
Alter proget[Modifega | modifica 'l sorgent]
Wikiquote el gh'ha dent citazzion de o su Sydney
Wikinotizie el gh'ha dent notizzie in su Sydney
Wikimedia Commons el gh'ha dent imagin o alter archivi su Sydney
Wikivoyage el gh'ha dent Informazzion turisteghe su Sydney
