Tram ATM 4500 (1984)
| Tram ATM 4500 | |
|---|---|
| Tram articolaa a pianal rebassaa | |
| Agn de costruzion | 1984 |
| Agn de esercizi | 1984 |
| Quantitaa produxida | 1 |
| Costruidor | Stanga |
| Lungeza | 21 668 mm |
| Largeza | 2 310 mm |
| Alteza | 3 240 mm |
| Capacitaa | 42 settaa, 128 in pee |
| Quota del pian del pestar | 364 mm in la sezion rebassada, 454 mm in la giostra e 834 mm in di estremità |
| Scartament | 1 445 mm |
| Interperno | 7 200 mm |
| Pass di carrei | 1 625 mm/ 1 400 mm |
| Massa in servizi | 38,6 t |
| Massa a vœd | 27 t |
| Diameter rœde motrix | 680 mm |
| Diameter rœde portador | 550 mm |
| Velocitaa massema omologada | 40 km/h |
| Alimentazion | De linia aerea |
El Tram ATM 4500 a l'è stada ona vettura articolada sperimental a pianal rebassaa, fada in del 1984 di Officin de la Stanga de l'union de du tram Vintott incidentaa.
Storia
[Modifega | modifica 'l sorgent]A mità agn '80 la UNIFER la voreva trovà di standard per i tram a pianal rebassaa, e l'ha definii 'me modell ona vettura articolada a dò cass, cont i carej estrem motor conligaa cont la giostra Urbinati.
In del 1984 i Officin de la Stanga ciappen on finanziament del CNR e fann on carrell a roeud independent de 550 mm. Cont l'interessament de la ATM de Milan che la da on para de tram Vintott incidentaa a l'è staa possibil fà el prototip.
I dò vettur a hinn staa tajaa per taccài, e i port a hinn staa spostaa in la sezion del center rebassada.
El numer a l'è staa scernuu in onor di primm tram articolaa de Milan, ciamaa anca lor 4500.
El tram el gh'ha avuu on quaj problema ai sospension, e l'è staa reparaa, ma poeu sia per el falliment de la Stanga che per el disinteress de la ATM el prototip el gh'ha avuu nissun seguit.
Bibliografia
[Modifega | modifica 'l sorgent]- Giovanni Cornolò e Giuseppe Severi, Tram e tramvie a Milano 1840-1987, Milano, Azienda Trasporti Municipali, 1987.
- Giovanni Klaus Koenig, Il tram a pianale ribassato: storia e sviluppi, in Ingegneria Ferroviaria, maggio 1985, pp. 223-241.
- Giovanni Klaus Koenig, Tram d'avanguardia, in I Treni Oggi, anno XI, nº 100, Salò, Editrice Trasporti su Rotaie, gennaio 1990, pp. 62-75, ISSN 0392-4602.