Super Game Boy

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Nintendo-Super-Game-Boy.jpg

El Super Game Boy a l'era 'na cartoccia che la permetteva de giugà ai gioeugh del Game Boy in sul Super Nintendo Entertainment System sortii in del giugn 1994.

Fonzionalità[<small>Mudifega</small> | mudìfica 'l sorgènt]

El Super Game Boy a l'éra compatibil cont i cartocc del Game Boy e quej bicompatibij del Game Boy Color. El sistema el pò mappà i quater sfumatur de gris in di color a scerna de l'utent.

On quaj gioeugh el doperava pussee estensivament i sò capacità, e eren marchiaa "Super Game Boy Game Pak".

Hardware[<small>Mudifega</small> | mudìfica 'l sorgènt]

Vist che 'l SNES a l'era minga bon de emulà 'l Game Boy la cartoccia la integrava l'hardware de 'na console originala e 'l doperava domà i fonzion de input/output e del monitor del SNES. La cartoccia la faseva fonzionà i gioeugh pussee svelt del 2,4% rispett ai alter console per via del clock adattaa del SNES.

Super Game Boy 2[<small>Mudifega</small> | mudìfica 'l sorgènt]

Nintendo-Super-Game-Boy-JP-2.jpg

Sortii domà in Giappon in del 1998 el Super Game Boy 2 el permetteva el multigiugador, el correggeva el problema del clock e 'l giontava 'na quaj cornis.

Prodott arent[<small>Mudifega</small> | mudìfica 'l sorgènt]

Per el NES el produttor esterno Intelligent Systems l'aveva faa el Wide Boy 2 che però, a differenza del Super Game Boy, el doperava domà la memoria video del NES senza input/output, el gh'aveva el sò controller e 'l fonzionava anca se la console l'éra resettada.

Per el Nintendo 64 offizialment el gh'era el Transfer Pak che 'l permetteva de scambià dacc e fà 'n quaj gioeugh e anca di accessori mìnga offiziai 'me el Wide Boy 64.

Per el GameCube el Game Boy Player a l'éra 'na periferica offiziala che la permetteva de giugà ai gioeugh GB, GBC e GBA.

Vos corelaa[<small>Mudifega</small> | mudìfica 'l sorgènt]