Game Boy Player
El Game Boy Player a l'è 'na periferica per el GameCube che la permett de giugà ai cartocc del Game Boy, Game Boy Color e Game Boy Advance. L'è stada la darrera espansion per giugà al Game Boy in su 'na console fissa Nintendo.
A differenza di àlter accessori mìnga offiziai che doperen l'emulazion software, el Game Boy Player 'l integra l'hardware de on Game Boy Advance.
A l'è incompatibil cont el Wii.
Controll[Modifega | modifica 'l sorgent]
A l'éra possibil comandàll sia cont el controller del GameCube sia cont on Game Boy Advance o SP taccaa cont on cav link.
In sul controller GameCube a l'éra possibil doperà dò mapp de tast.
Problema[Modifega | modifica 'l sorgent]
El sistema el gh'ha di problema cont:
- I Game Boy Advance Video, cartocc faa per vedè di film in sul Game Boy, per evità che sien copiaa.
- Cartocc per i trucch, per la pupart di cas tropp grand per el slot, ma compatibil a nivell teorich
- Sistema cont controll de moviment: Gh'eren di gioeugh che rilevaven i moviment del giugador, roba diffizil de fà cont el Game Boy Player
- Infraross: I gioeugh che 'l doperaven podeven fàll no in sul GameCube
- El sistema se pò mìnga conligà a 'n Game Boy Micro
- I gioeugh cont la vibrazion fann vibrà el device e mìnga el controller de l'utent
Ricezion[Modifega | modifica 'l sorgent]
La periferica a l'è stada ricevuda ben di utent e de la critica, che l'ha lodaa Nintendo per avè giontaa on mugg de titoi al sistema, anca se 'n quajvun l'ha vist tutt 'me 'na mossa econòmica.