GameCube

De Wikipedia
Lumbard ucidental Quest articol chì l'è scrivuu in lombard, grafia milanesa.
On GameCube cont controller

El GameCube a l'è stada 'na console venduda de la Nintendo in tra el 2001 e 'l 2009 e concorrenta de la PlayStation 2 e de la Xbox de la Microsoft.

A l'è stada la prima console Nintendo a doperà 'me mezz de memorizzazion principala i disch ottich e minga i cartocc, anca se l'era no bona de legg i normai CD e DVD.

El sò successor, el Wii, a l'era retrocompatibil con la pupart di software del GameCube.

Storia[Modifega | modifica 'l sorgent]

Giamò dal 1999 s'hinn sentuu i primm rumors in su 'na noeuva console Nintendo, e se pensava che la fuss a cartocc e compatibil cont el Nintendo 64. El progett a l'è staa presentaa pocch dopo a la stampa cont el nomm de "Dolphin". Fioeula de 'na lianza cont la IBM la voreva mangià el mercaa de la PlayStation e del Sega Dreamcast.

Caratteristich[Modifega | modifica 'l sorgent]

Controller[Modifega | modifica 'l sorgent]

Controller classich

Per el GameCube a gh'eren du controller: Vun, quell classich, visivament assee different de quell de la concorrenza, che 'l gh'aveva:

  • Leva analogica principala
  • Cros direzionala digitala
  • Segond stick analogich, ispiraa ai fresc "C" del Nintendo 64.
  • Quatter botton frontaj: A,B, X e Y
  • Tre botton dorsaj: Z, L e R
  • Botton start al center del controller
  • Fonzion rumble de vibrazion

WaveBird[Modifega | modifica 'l sorgent]

WaveBird

WaveBird a l'è 'l controller Wireless del GameCube. El gh'ha la midemma forma del controller original, cont on regonfiament sotta per ospità i pil, du AA, e i component giontiv, 'me el selettor de frequenza, util per i partii a pussee giugador, e 'n LED che 'l segnalava la connession.

Per doperàll bisognava taccà el sò adattator a la porta del controller.

Retrocompatibilità[Modifega | modifica 'l sorgent]

El sistema a l'è minga retrocompatibil cont nissun sistema de la Nintendo: El gh'ha però la possibilità de comunicà cont i Game Boy e de doperàj 'me controller in d'on quaj gioeugh abilitaa per doperàll 'me schermo piscininn.

Però, cont la periferica Game Boy Player a l'era possibil giugà direttament in sul schermo de la TV ai gioeugh del Game Boy e del Game Boy Advance.

Gioeugh[Modifega | modifica 'l sorgent]

El gioeugh pussee famos, retegnuu squasi 'na killer application, a l'è staa Luigi's Mansion, e hinn staa relassaa pussee de 600 gioeugh per la piattaforma. Gh'era anca 'na piaffatorma de gioeugh online via modem.

Di gioeugh famos eren:

Riferiment[Modifega | modifica 'l sorgent]

Vos corelaa[Modifega | modifica 'l sorgent]