Emulator
On emulator a l'è, in informatega, on component che 'l replica i fonzion de 'n daa sistema in su 'n olter sistema.
Esisten sia di emulazion a nivell software che hardware e al dì d'incoeu a hinn spantegaa soratutt in du settor: Quell di console di videogioeugh e quell di stampant, indova che tanti stampant a hinn compatibil cont el standard HP. Di temp del Macintosh 68k gh'eren anca di sched per emulà el MS-DOS in sul Macintosh.
In teoria, segond la tesi de Church-Turing, a l'è semper possibel emulà on sistema in su 'n alter, ma in pratega el pò vèss assee gramm de fà: Se gh'hinn no di ducument in sul fonzionament el gh'ha de vess reversaa e despess l'emulazion la domanda 'na quantità de memoria e resors pussee volt de quej doperaa originariament, cont el ris'c che i programma che giren assee lent.