Game Boy Color

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
GBC

El Game Boy Color a l'è 'na console portatil venduda dal 1998 comè successor del Game Boy de la Nintendo.

Storia[Mudifega | mudìfica 'l sorgènt]

El Game Boy Color a l'è nassuu 'me respoeusta ai domand di desviluppator che voreven 'na piattaforma pussee potenta e interessanta per i giugador. L'è staa lanziaa cont Pocket Bomberman, Tetris DX e Wario Land II.

Caratteristich[Mudifega | mudìfica 'l sorgènt]

  • CPU: Sharp LR35902Z80 (version custom del Zilog Z80, 8 bit) frequenza variabil de 4,194 o 8,338 MHz
  • RAM: 32 KB
  • VRAM: 16 KB
  • Palette: 32'768 color
  • Schermo LCD da da 160 x 144 pixel per 2,32 pollis

Cartocc[Mudifega | mudìfica 'l sorgènt]

Exquisite-kfind.png Per savenn pussee, varda l'articol Game Pak.
Cartoccia negra

El sistema el supportava du tip de cartocc: Vun, negher, l'è per quej gioeugh che doperen domà i fonzion grafich noeuv del Game Boy Color e che dònca pòden fonzionà, a scala de gris, anca in sul Game Boy original.

L'alter, trasparent, l'è doperaa domà per quej gioeugh che doperen anca i aument de memoria e processor del Color e che dònca pòden no girà in sul Game Boy classich. Se eseguii in su 'sti piattaform dann on error.

Cartoccia esclusiva GBC

El sistema el supporta anca i cartocc classich del Game Boy: El giugador el pò scernì in tra 12 palette per giugà a color.

Gioeugh[Mudifega | mudìfica 'l sorgènt]

Per via de la soa retrocompatibilità cont el Game Boy original l'è sortii cont 576 tìtoi giocabij.

I gioeugh specifich per la piattaforma ad avègh success a hinn staa quej di Pokémon. L'ultim gioeugh sortii per el GBC a l'è staa Doraemon no Study Boy: Kanji Yomikaki Master.

Vos correlaa[Mudifega | mudìfica 'l sorgènt]