Stema de Bergem

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Stema de Bergem
Bergamo-CoA.svg
Blasonadura
Partid d'or e de ross

Ol stema storeg de Bergem l'è un scud partid d'or e de ross.
L'ha ciapad la so forma definitiva ind el XV secol, dop del passaj de la citaa a la Republega de Venezia.

Stema ofiçal de l'aministrazion comunala[<small>Mudifega</small> | mudìfica 'l sorgènt]

Ol stema ofiçal del Comun de Bergem l'è fait del stema storeg adossad a un circol azœr, cond la bordadura rajanta d'or, con sora una corona de Citaa.
G'è anc una scriita in italian: Bergamo Città dei Mille, per regordar i 179 bergamasc qe i è partids con Garibaldi. Ol permess de jontar-la l'ha dait ol President de la Republega cond so Decret del 20 de jener 1960.

Storia[<small>Mudifega</small> | mudìfica 'l sorgènt]

Ol plu antig stema bergamasc cognossid l'è qell del Sol Rajant, rapresentad sul scud de un soldad ind un bassrilev del 1171, ind la Porta Romana a Milan. La scultura la regorda l'aiœt bergamasc (e dei oltre citaa lombarde) ind la guerra contra ol Barbarossa. L'è rapresentad l'ingress dei trupe de Bergem, Bressa e Cremona per ricostruir la citaa de Milan, bœtada jo de l'imperador ind el 1162. Ol frad qe al guida la procession l'è ol Japoc Vessilifer (de probabel un Umiliad).[1]

Plu tarde ind el stema i è staits jontads, a strisse verticale (pal) i color tradizionai de la citaa (s'pœl veder-l scolpid in su la fontana viscontea in Citaa Volta).

Ind el 1428, ol Gonfalon l'è donad a Venezia, come segn de volontaria sotomission a la Serenissima, qe al l'ha metid ind la Basilega de San Marc. Dop d'una quai ann, ol Comun l'ha cambiad la disposizion dei color, de strisse a partid.

Ind el 1815 Bergem l'è nominada Citaa Regia, e ind el 1817 l'Imperador al da la so autorizazion per un stema qe l'è formad da qell storeg plu (sora a'l scud) una corona ducala (per regordar ol ducad lombard) e l'Agola Bicefala (simbol de l'Imper).

Cond la conquista de la citaa dei Savoia ind el 1859, ol Comun l'ha tirad vià l'agola e la corona, e g'è plu staite modifege a ecezion de la moderna jonta del Sol Rajant e de la Corona torrida (a part intra ol 1946 e ol 1948, quand qe per un error del Minister l'è stait re-ofiçalizad ol stema del 1817, inscambe de qell pre-fassism).

Galleria d'imajin[<small>Mudifega</small> | mudìfica 'l sorgènt]

Bibliografia[<small>Mudifega</small> | mudìfica 'l sorgènt]

Riferiments[<small>Mudifega</small> | mudìfica 'l sorgènt]

  1. 1,0 1,1 (IT) Paolo Guerrini, Lo stemma di Brescia, in Id., Araldica. Miscellanea, Edizioni del Moretto, Brescia 1984, vol. III, pp. 105 - 106.