Regn Lombard-Venet

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Regn Lombard-Venet
Regn Lombard-Venet – Bandera Regn Lombard-Venet - Stemma
Mot: A.E.I.O.U
(Austria Est Imperare Orbi Universo)
Regn Lombard-Venet - Localizazion
Dats aministrativ
Lengue ufiçale Italian, tedesch
Lengue parlade Lombard, venet, ladin, furlan
Inn Kaiserhymne (Serbidiola)
Capital Milan e Venezia
(1815-1859)
Venezia
(1859-1866)
Politega
Forma de govern Monarchia
Nassida 1815 con Francesch I
Causa Congress de Viena
Fin 1866 con Francesch Giusepp I
Causa Conquista italiana
Territore e popolazion
Zona jeografiga Lombardia e Veneto
Relijon e societaa
Relijon de Stat Catolicesim
La cartina del Regn
LombVen.jpg
Evoluzion storega
Prima al g'era
Flag of the Napoleonic Kingdom of Italy.svg
Regn d'Italia
L'è stait sostituid da
Flag of Italy (1861-1946).svg
Regn d'Italia
Adess al fa part de Bandera de Italia Italia

El règn Lombard-Vènet (Talian: Regno Lombardo-Veneto - Todesch: Königreich Lombardo-Venetien) l'è nassuu sotta el controll de l'Austria dopo de la restaurazion che l'è vegnuda a la fin del period Napoleonigh. L'è staa instituii el 9 de giugn del 1815 del Congress de Vienna, cont el Francesch II Duca de Milan e de Mantova ch'el divegn Francesch I del Lombard-Venet. Francesch I l'haa regnaa fina al 1835, e dopo de lù l'è vegnuu Ferdinand I de Asburgh-Lorena fina al 1848.

El 22 de marz del 1848, a la fin di cinqu giornad de Milan la popolazion milanesa l'ha casciaa via i austriegh e l'haa nominaa un Govern Provvisori che l'è poeu entraa a fa part del Govern Provvisori de Lombardia. In di dì seguent anca Venezia la casciava via i austriach e la nominava un govern provvisori. L'esercit piemontes el vegniva in socors di Lombard (prima guèra de indipendenza) ma a la fin de luj el vegniva sconfitt a Custoza di Austriegh comandaa del Maresciall Radetzky che el dì 6 de agost e podeva rientrà a Milan desmantegand el Govern Provvisori. Venezzia la riesiva a resist on ann ancamò, ma el 24 de agost del 1849 la gh'aveva de capitolà anca lee.

El regn Lombard-Venet el vegniva inscì ricostruii sotta el comand de l'imperador Francesch Giusepp I de Asburg-Lorena (soranominaa el Cecco Beppe del popol milanes), che l'era rappresentaa del Radetzky fina che quest l'è mort in del 1858.

In del 1859 el Piemont, dopo de la Segonda guerra de Indipendenza taliana, l'ha proceduu ad annettess la Lombardia e in del 1866, diventaa in del frattemp Regn d'Italia, l'ha incorporaa anca al Venet a la fin de la Terza guerra de Indipendenza col mett fin a quell ch'el rimaneva del Regn Lombard-Venet.