Stema de Bergem

Quell articol qì l'è scrivud in Lombard, cond l'ortografia Scriver Lombard.

Stema de Bergem


Blasonadura
Partid d'or e de ross

Ol stema storeg de Bergem l'è un scud partid d'or e de ross.
L'ha ciapad la so forma definitiva ind el XV secol, dop del passaj de la citaa a la Republega de Venezia.

Stema ofiçal de l'aministrazion comunala[Modifega | modifica 'l sorgent]

Ol stema ofiçal del Comun de Bergem l'è fait del stema storeg adossad a un circol azœr, cond la bordadura rajanta d'or, con sora una corona de Citaa.
G'è anc una scriita in italian: Bergamo Città dei Mille, per regordar i 179 bergamasc qe i è partids co'l Garibaldi. Ol permess de jontar-la l'ha dait ol President de la Republega cond so Decret del 20 de jener 1960.

Storia[Modifega | modifica 'l sorgent]

Ol plu antig stema bergamasc cognossid l'è qell del Sol Rajant, rapresentad sul scud de un soldad ind un bassrilev del 1171, ind la Porta Romana a Milan. La scultura la regorda l'aiœt bergamasc (e dei oltre citaa lombarde) ind la guerra contra ol Barbarossa. L'è rapresentad l'ingress dei trupe de Bergem, Bressa e Cremona per recostruir la citaa de Milan, bœtada jo de l'imperador ind el 1162. Ol frad qe al guida la procession l'è ol Japoc Vessilifer (de probabel un Umiliad).^[1]

Plu tarde ind el stema i è staits jontads, a strisse verticale (pal) i color tradizionai de la citaa (s'pœl veder-l scolpid in su la fontana viscontea in Citaa Volta).

Ind el 1428, ol Gonfalon l'è donad a Venezia, come segn de volontaria sotmission a la Serenissima, qe al l'ha metid ind la Basilega de San Marc. Dop d'un qualc agn, ol Comun l'ha cambiad la disposizion dei color, de strisse a partid.

Ind el 1815 Bergem l'è nominada Citaa Regia, e ind el 1817 l'Imperador al da la so autorizazion per un stema qe l'è formad da qell storeg plu (sora a'l scud) una corona ducala (per regordar l'antig ducad lombard) e l'Agola Bicefala (simbol de l'Imper).

Cond la conquista de la citaa dei Savoia ind el 1859, ol Comun l'ha tirad vià l'agola e la corona, e g'è plu staite modifege a ecezion de la moderna jonta del Sol Rajant e de la Corona torrida (a part intra ol 1946 e ol 1948, quand qe per un error del Minister l'è stait re-ofiçalizad ol stema del 1817, inscambe de qell pre-fassism).

Galleria d'imajin[Modifega | modifica 'l sorgent]

Ol segond de la dreita l'è un soldad bergamasc, seguid de un bressan (co'l Leon).^[1]
Ol stema ind el Fontanon (ol prim a manzina).
Recostruzion del stema ind el Fontanon.
Stema ind el Regn Lombard-Venet.
Ol stema in epoca fassista (1923).
Ol stema con la jonta del Sol Rajant e de la corona de Citaa.
Ol stema ofiçal a'l dé d'incœ

Riferiments[Modifega | modifica 'l sorgent]

Note[Modifega | modifica 'l sorgent]

↑ ^1,0 ^1,1 (IT) Paolo Guerrini, Lo stemma di Brescia, in Id., Araldica. Miscellanea, Edizioni del Moretto, Brescia 1984, vol. III, pp. 105 - 106.

Alter projets[Modifega | modifica 'l sorgent]

Wikimedia Commons el gh'ha dent imagin o alter archivi su Stema de Bergem

[araldica_miscellanea-1] 1,0 ^1,1 (IT) Paolo Guerrini, Lo stemma di Brescia, in Id., Araldica. Miscellanea, Edizioni del Moretto, Brescia 1984, vol. III, pp. 105 - 106.

[1]