Sparatoria de Macerata
La sparatoria de Macerata a l'è staa on attentaa terroristich de stamp fassista e razzista succeduu el 3 de febrar del 2018 in la città marchigiana de Macerata per man del Luca Traini, militant de estrema destra.
Descrizion
[Modifega | modifica 'l sorgent]El 3 de febrar 2018 intorna ai or 11 on omm in su 'na Alfa Romeo 147 el sbara a di personn e a di edifizzi in del center cittadin. L'è colpida anca la sed del Partii Democrategh e hinn ferii in ses, tucc immigraa negher in tra i 20 e i 32 agn. El Sindegh de Macerata Romano Carancini el ordena de bloccà i straport publegh, de sarà dent i fiolitt in di scoeur e 'l dis ai gent de sortì no de cà.
Responsabil
[Modifega | modifica 'l sorgent]El responsabil de l'attacch a l'è staa el Luca Traini, militant de 28 agn de estrema destra e candidaa in di elezion del 2017 a Corridonia cont la Lega Nord. Partii de Tolentino cont el Tricolor al coll, 'na voeulta faa l'attentaa a l'è sortii de la vettura e l'ha dii "Viva l'Italia" e faa el salud roman prima de costituìss ai agent. In la soa cà a hinn trovaa di element che 'l ligaven a l'estrema destra 'me 'na bandera cont la cros celtica e 'l Mein Kampf.
In del principi el se pensava che 'l fuss on cognossent de la Pamela Mastropietro, tosetta in comunità de recuver trovada morta in d'on cas indova che ghe centraven di nigerian, ma l'ideja a l'è stada desmentida. El Traini l'ha dii, però, de vorè mazzà el presunt sassin de la Mastropietro, Innocent Oseghale, e che l'ha deciduu dopo de provà a fà 'na strage.
Traini a l'è staa poeu condanaa a 12 agn de galera per avè provaa a fà 'na stràge, avè portaa in gir 'n arma abusiva e avè danegiaa di proprietà cont l'aggravant de l'oeudi razzial.
Reazion
[Modifega | modifica 'l sorgent]El cas el gh'ha avuu ampia resonanza in Italia e in del mond per i sò relazion cont i elezion politegh italian del 2018. El Paolo Gentiloni l'ha remarcaa la necessità de "fermà 'sta spiral de violenza e oeudi", el Pietro Grasso l'ha dii de vess "attonit e inorridii", el Matteo Salvini l'ha refudaa de condannà totalment el terrorista perchè "l'immigrazion incontrollada la mena a 'sti robb" e la Laura Boldrini l'ha domandaa al Salvini de scusàss. Alessandro Di Battista e Raffaele Fitto han domandaa silenzi e che la politega, in di sò azion e messagg, la fuss responsabila, e la Giorgia Meloni l'ha dii che 'l "gest a l'è ingiustificabil" e che inscì "l'è l'Italia in man a la sinistra".
Riferiment
[Modifega | modifica 'l sorgent]- Sparatoria a Macerata: il sindaco ai cittadini "Restate a casa" Arqiviad qé: [1]
- Macerata, Traini ai carabinieri: «Volevo andare in Tribunale per uccidere Oseghale»
- Macerata, Traini in carcere: accusato di strage aggravata da razzismo
- Macerata, Traini ha sparato anche contro la sede del Pd. Meloni: criminale squilibrato
- Sparatoria Macerata, Salvini: “Immigrazione incontrollata porta a scontro sociale”. Saviano: “Lui mandante morale”
- Salvini: chi spara è un delinquente, ma è il caos migranti che porta allo scontro
- Macerata: le reazioni della politica, tutti contro Salvini. "Mandante morale"
- Luca Traini era candidato con la Lega
- Mein Kampf e croce celtica, nella stanza di Luca Traini
- Sparatoria Macerata, chi sono i migranti feriti da Luca Traini
- I fantasmi di Macerata due mesi dopo l’attentato razzista
- Macerata, spara agli immigrati dall’auto: “6 feriti”. Fermato: avvolto nel tricolore, ha fatto il saluto romano. Nel 2017 fu candidato dalla Lega – DIRETTA
- Luca Traini è stato condannato a 12 anni