Lega Nord

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Lega Nord
Lega Nord per l'Indipendenza della Padania
LegaNord Salvini.jpg
President Umberto Bossi (a vita)
Segretare Matteo Salvini
Stat Italia Italia
Sede Via Bellerio 41, Milano
Fondazion 8 de genar del 1991
Ideolojia Popolism de drizza
Euroscetticism
Sovranism
Independentism (finna al 2013)
Collocazion Trasversalism (finna al 1994)
Drizza (dal 1994)
Grup parlamentar europeo Europa di Nazion e di Libertà
Cadrege Cambra di Deputaa
19 / 630
Cadrege Senad de la Republica
12 / 315
Cadrege Parlament europee
5 / 73
Jornal Il Populista (telematich)
Organizazion di joven Moviment di Giovin Padan
Inscrivids 122'000 (2013)
Color Verd
$fine
This box: view  talk  edit


La Lega Nord per l'indipendenza della Padania (in lombard Liga Nord per l'independenza de la Padania), ciamada semplicement Liga Nord a l'è on partii politegh italian, de drizza.

I sò idej principai a hinn la lotta a l'immigrazion clandestina, la reintroduzion del servizzi militar obbligatori e per mett ona flat tax, e contra l'Euro e l'Union europea.

Originariament l'è nasuu 'me lianza de moviment autonomista e independentista de la Pianura Padana, l'ha deciaraa in del 1996 l'independenza de la Padania a Venezia a nivell simbolich, e l'ha parpognuu in del 2006, insemma al Silvio Berlusconi, on referendum per trasformà l'Italia in d'ona quasi-federazion e mett el premieraa, sistema politegh indova el primm minister a l'è assee important. Inveci, al di d'incoeu, a l'è vun di partii pussee important de la drizza nazionalista italiana.

El president l'è l'Umberto Bossi. El segretari l'è el Matteo Salvini. El 7 de dicember del 2013 l'è staa eleggiuu segretari de la Lega Nord (el terz, despoeu Umberto Bossi e Roberto Maroni), cont el 82% di preferenz, e reconfermaa el 14 de magg del 2017.

Struttura[Mudifega | mudìfica 'l sorgènt]

La Lega Nord a l'è ona federaziun fada de 13 moviment pulitegh, ciamaa nazion, riferii a la Padania.

Corrent[Mudifega | mudìfica 'l sorgènt]

Originariament l'obiettiv de la Liga a l'era de unì tucc i personn del Nord che voreven l'autogoverno di sò Region, però dent la gh'eva ona division interna arenta a quej di partii classich. 'Sti suddivision a eren ciamaa "partii padan", ma faseven no effettiva propaganda e azion foeura de la Liga.

Primm agn 90[Mudifega | mudìfica 'l sorgènt]

In di primm agn 1990 la division a l'era:

Al Parlament de Nord a gh'era anca i Comunista Padan, capitanaa del Matteo Salvini e la lista libertaria e federalista, ma minga indipendentista, del Benedetto della Vedova.

Agn 2000[Mudifega | mudìfica 'l sorgènt]

Dal 2000 la situazion a l'è mudada.

  • Manzina: L'anima originaria del partii, spantegada soratutt in Lombardia, cont member 'me Maron e Bossi.
  • Centristi e laich: Partii minga ligaa a la religion e cont ona vision de center, fort in Veneto.
  • Liberai: Personn comé Luca Zaia, Marco Reguzzoni e Roberto Cota.
  • Cristian, Conservator e nazionalista, ligaa tucc al concett religios ed etnich de Padania.

Agn 2010[Mudifega | mudìfica 'l sorgènt]

Cont l'elezion de Maroni a segretari a l'è vegnuda foeura ona division in tra i sò sostenitor e quej del Bossi, e gh'è staa anca di conflitt a nivell istituzional.

Donca se vedeven i grupp de Bossi e de Maroni al center del Partii, e di alter grupp pussee piscinitt, 'me quell del Roberto Calderoli, arent a Berlusconi, quell di Veneti sociaa al Luca Zaia e i piemontes cont el Roberto Cota.

Salvini[Mudifega | mudìfica 'l sorgènt]

Cont l'elezion de Salvini a segretari la division a l'è devegnuda in tra i sostenitor de la linia italianista ed euroscettica de lu e ona linia pussee independentista e a favor de l'Europa, cont anmò on'ideja de spartizion in tra maronian e bossian. El grupp indipendentista a l'è staa reppresentaa in di primari del 2017 del Gianni Fava.

Varda anca[Mudifega | mudìfica 'l sorgènt]

Ligamm de foeura[Mudifega | mudìfica 'l sorgènt]