Robecchett
|
Quest articol chì l'è scrivud in lombard, con la Noeuva Ortografia Lombarda |
| Rubichet Comun | |||||
|---|---|---|---|---|---|
| |||||
,_Milan_Italy.jpg) | |||||
| Dats aministrativ | |||||
| Stat | Itàlia | ||||
| Rejon | Lombardia | ||||
| Provinça | Provinça de Milan | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°32′N 8°46′E / 45.533333°N 8.766667°E | ||||
| OSM | 45194 | ||||
| Voltituden | 172 m s.l.m | ||||
| Superfix | 13,93 km² | ||||
| Abitants | 4 770 ab. (1º genar 2023) | ||||
| Densitaa | 342.43 ab./km² | ||||
| Confin | Castan, Cugiònn, Galiaa e Turbigh | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 0331 | ||||
| Codex postal | 20020 | ||||
| Sigla autom. | MI | ||||
| Codex ISTAT | 015183 | ||||
| Codex catastal | H371 | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Rubichet (pernonzia local: [rybi'ket]; in italian: Robecchetto con Induno) a l'è un comun de la Provincia de Milan. Rubichet el se trœuva a nord-ovest de Milan, insœul fium Tesin e al confin con la Provincia de Noàra (comun de Gajà). A Rubichet gh'è viven 4 903 personne. Fœura de i dò center principai a gh'è anca una frazion, ciamada Malvai.
Storia
[Modifega | modifica 'l sorgent]Anca se el comun l'è stad cread ind el 1870 da l'union del comun de Rubichet e quell de Indun (in italian: Induno Ticino) [1], el gh'ha di origin ben pusee veggie: l'esistenza de un borgh, ciamad Paragnàn (in italian: Padregnano) l'è atestada sgiamò indei documencc del secol XI. La tera indœu incœu gh'è Rubichet l'è stada regalada del Federich Barbarossa a la cità de Milan subit dopo la Pas de Costanza.
L'è stada pœu conquistada de molt forester fin che ind el secol XVI l'è stad metud sota el controll de i Magg. Dopo de lor i vegnen pœu i Arconacc e, vers del mezz del sescent, i Fagnan. La sort del Rubichet l'è stada deciduda da Napoleon quand vers la fin del secol XVIII, el gh'ha smorzad el sistema feudal, dopo che l'è stait tacad al comun de Turbigh par un quaj ann. Enfina, ind el 1859 l'è stad teater de le bataie intra i Frances e i Austriegh.[2]
.jpg)
Politega
[Modifega | modifica 'l sorgent]El comun l'è adess sota el podè del comisari straordinari Sabrina Pane dopo che el sindegh Giorgio Clemente Braga, che l'è stait riconfermad a i elezzion del 5 otober 2021 par havégh ciapad pusee votazionn de l'olter candidad Gabriele Marzorati, l'ha dait i sò dimisionn.[3]
Economia
[Modifega | modifica 'l sorgent]Setor primari e secondari
[Modifega | modifica 'l sorgent]Vist che a l'è situad ind una zona semi-rural, a Rubichet e Malvai i gh'è di quaj aziende agricole comé l'Azienda Agricola Cirenaica che l'è sita a Malvai e la se ocupa de la produzion de salam, formagg e olter.
Socetaa
[Modifega | modifica 'l sorgent]Demografia
[Modifega | modifica 'l sorgent]Evoluzion demografega
[Modifega | modifica 'l sorgent]L'andament del numer di abitancc del comun de Rubichet l'è mostrad in de la tabella chì de sota:
Abitant censid
Popolazzion forastera
[Modifega | modifica 'l sorgent]Ind el 2021, i forester resident a Rubichet inn 352 e rapresenten el 7,4% de la popolazion totala. El rosc forester pusee numeros l'è quell de i quej che vegnen del Pakistan cont el 29,3% de la popolazzion, pœu quell de i quej che vegnen de la Cina (20,5%) e de la Romania. [4]
Feste e sagre
[Modifega | modifica 'l sorgent]Festa della Sucia
[Modifega | modifica 'l sorgent]L'è un aveniment tradizzional che gh'ha sit a Rubichet e a Boffalora. A l'è una festa popolar che la celebra la cultura e i tradizzion locai grazzia a vari atività comé scene, musega, balade e intrateniment - ind el passad g'haveva anca de vegnude sgiò del Navili cont el gomon de rafting grazzia al Club Canoa Milan.[5]
Radio
[Modifega | modifica 'l sorgent]Ind la frazzion Malvai, la se trasmett Radio TRM (Trasmission Radio Malvai) che la se ocupa de informà i citadin del Castanes con notizzie del teritori, de l'Italia e del Mond. La se pœu sentì in tœucc el Castanes insœu i 88 MHz e insœu i servizzi de streaming.
Sport
[Modifega | modifica 'l sorgent]Balon
[Modifega | modifica 'l sorgent]La A.S. Ticinia l'è la squadra de Balon de Rubichet. L'è nassuda el 1 de luj 1984 da la fusion de l' USOR e la SCOM de Malvai. El sò prim president l'è stad el Roberto Toretta. Al didincœu l'è dentar al giron de la Prima Categoria Lombarda.
Scach
[Modifega | modifica 'l sorgent]Dopo de un turnee disputad ind el 1976, i scach inn diventad una presenza fissa a Rubichet ind el 1988. El circol de scach de Cugionn Paul Keres l'ha fad sœu el prim festival de scach de Rubichet. Ind el 2001 el circol Paul Keres gh'ha menad la sò sed a Barnaa e a Rubichet el gh'hè anca incœu el circol Cavalli&Segugi.
Sci
[Modifega | modifica 'l sorgent]Fondad ind el 1975 a Malvai, el Sci Club [6], gh'hà ciapad el nom da San Bernard, el Sant del paes e'l protetor dei sciator. Grazzia al Don Giuseppe Sormani, la sed l'è stada metuda in de la Piazza San Bernard che l'è de proprietà de la parochia.
Riferiment
[Modifega | modifica 'l sorgent]- ↑ https://it.m.wikisource.org/wiki/R.D._9_giugno_1870,_n._5722
- ↑ http://www.italiapedia.it/comune-di-robecchetto-con-induno_Storia-015-183
- ↑ https://primamilanoovest.it/politica/elezioni-2021-giorgio-braga-riconfermato-sindaco-di-robecchetto/
- ↑ https://www.tuttitalia.it/lombardia/39-robecchetto-con-induno/statistiche/cittadini-stranieri-2021/#:~:text=Gli%20stranieri%20residenti%20a%20Robecchetto%20con%20Induno%20al,Repubblica%20Popolare%20Cinese%20%2820%2C5%25%29%20e%20dalla%20Romania%20%289%2C7%25%29.
- ↑ https://www.canoaclubmilano.it/eventi-manifestazioni/15-settembre-festa-della-sucia/ Arqiviad qé: [1]
- ↑ http://www.sciclubsanbernardo.com/
