Novaa (MI)

De Wikipedia
Salta a la navigazzion Và a cercà



Lumbard ucidental Quest articol chì l'è scrivuu in lombard, grafia milanesa.


Novaa
Comun
Novaa - Stema
Novaa - Sœmeanza
Dats aministrativ
Stat Itàlia
Rejon Lombardia
Provinça Provincia de Milan
Capolœg Novate Milanese
Politega
Sindeg
Orgen lejislativ Consili comunal
Territore
Coordinade 45°32′N 9°08′E / 45.533333°N 9.133333°E45.533333; 9.133333
OSM 45257
Voltituden 146 m s.l.m
Superfix 5,46 km²
Abitants 20 003 ab.
(1º genar 2018)
Densitaa 3663.55 ab./km²
Confin Baranzaa, Bollaa, Milan e Corman
Fus orari UTC+01:00 e UTC+02:00
Varie
Prefiss 02
Codex postal 20026
Sigla autom. MI
Codex ISTAT 015157
Codex catastal F955
Sant protetor Zervàzio e Protàzio
Cl. climatega
Cl. sismega
Localizazion
Novaa - Localizazion
Sit istituzional



Novaa (Novate Milanese) l'è on comun de la Provincia de Milan che 'l cunta 20 065 abitant. Novaa l'è situada a 8 km a nòrd del center de Milan. El territòri comunal l'è tutt in pianura e l'è traversaa de la Garbogera e de la Pudiga, che al dì d'incoeu hinn quas del tutt tombinaa.

Stòria[Modifega | modifica 'l sorgent]

El topònim Novaa el traria origin del latin novatum, termin dopraa per definì on camp rimess a coltivà dòpo on period de ripòs: l'etimologia, se pensom a l'us che 'l s'è faa di terr novates, la par corretta. La prima citazion de Novaa l'è de on document de l'ann 877. El territòri novates l'ha faa part del contad de la Martesana fina al 1385, quand, con tutta la piev de Bollaa, l'è staa tacaa al contad de Milan. L'edifizzi de maggior interess stòrich-coltural de Novaa, l'oratòri di Sant Nazari e Cels (ciamaa localment gesioeu), l'è del XVI secol.

In seguit, Novaa l'ha faa part del feud de Des prima che, el 19 april 1674, el fuss erett el feud de Novaa con Roseri, incoeu quarter periferich de Milan. Fina a l'abolizion de tucc i diritt feudai, rivada cont el domini frances, i signor del feud hinn staa i marches Pogliagh. Con la nassida del Stat Italian, el nòmm del comun l'è staa mudaa in del 1862 in Novate Milanese, per evità confusion con Novaa Mezzoeula (Provincia de Sondri) e con Novaa Brianza (Provincia de Lecch).

Dòpo l'Unidà, Novaa l'ha conossuu on svilupp industrial e demografich notevol, anca grazie a la costruzion de la ferrovia Milan-Sarònn, vegnuda in la segonda medà del Vòttcent, menter incoeu l'è 'dree a viv on'evoluzion progressiva vers el settor terziari e l'è on tòcch integrant de l'area metropolitana milanesa.

El 16 genar 2004 el president italian Carlo Azeglio Ciampi gh'ha daa a Novaa el titol de città.


Evoluzion demografega[Modifega | modifica 'l sorgent]

L'andament del numer di abitant del comun de Novaa l'è mostraa in la tabella chi de sotta:



Abitàncc censìcc