Panatton

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Panatton
Panettone 2.jpg
Panatton
Origen
Alter nòmm panetton
Pòst d'origen Italia Italia
Region Lombardia
Area de produzion Milan
Dettai
Categuria dolz
Reconossiment P.A.T.
Settor past fresch e prodott de la panettaria, della bescottaria, della pastizzaria e della offellaria
 
Parnonzia Milanesa del nomm





El panatton (scritt anca panetton o panetùn. Parnonzia IPA: /panətʊŋ/)) l'è un dolz tradizional milanes, che 'l se mangia a Nadal. El panatton l'è cognossuu in tutta l'Italia, e l'è devegnuu vun di simboj de la gastronomia milanesa e de la cittaa de Milan. Al di d'incoeu, el panatton l'ha varcaa i confin nazionaj e l'è cognossuu anch in del rest de l'Europa e perfinn anch de la del mar.

In del fà el panetton el se trà insemma l'agua, la farina, el butter, i oeuv, i candii, i ruschitt de naranz e de zeder, e l'ughètta passa.

Segond el dizionari del Cherubin, on temp, el panetton, quell ver (pesant on chilo o pussee anmò), el se faseva domà per el dì de Nadal. In di alter temp de l'ann, i offellee i faseven di panattonitt pussee piscinitt. E foeura de Milan ("in del contaa"), el panatton l'era minga de farina de forment, ma de formenton, con dent di tocchelitt de pomm e di grann d'uga.

Al dì d'incoeu, la manera de coeus el panatton l'è mudada inscì de vess in regola cont i regolament de l'agenzia europeja de sanitaa: on temp le se lassava coeus per on temp pussee curt, de manera che la pasta la restava moeuja e l'uga la podeva fermentà on cicininn, menter che adess la cottura l'è pussee longa e el panatton l'è pussee succ de ona vòlta.

Bibliografia[Mudifega | mudìfica 'l sorgènt]

  • Francesco Cherubini Vocabolario Milanese-Italiano, vol 3 (M-Q), Milano 1841 (articol "Panatton", p. 254)