Alfabet Funetich Internaziunal
|
Quel articul chì l'è scrivüü in Lumbard ucidental, cun l'urtugrafia ünificada. |
L'alfabet funetich internaziunal (IPA, International Phonetic Alphabet) a l'è un alfabet funetich che'l dupren i lenguista per rapresentà in manera ciara, acürada e univuga la cumpleta varietà di sun (funema o insema de funema) che l'aparaa vucal de l'om al pö fà. A l'è furmaa d'una nutaziun normalizada per la rapresentaziun funetiga di lenguv. La püssee part di sò simbul vegnen de l'alfabet latin, in minüscula o majüscula, o en deriven, per adiziun d'element, rödaziun o inversiun. Alter simbul vegnen de l'alfabet grech, armunizaa cun l'alfabet latin, e alter a hinn minga relaziunaa cunt alter alfabet.
L'IPA l'ha desvilüpaa funeticista ingles e frances sota l'auspizi de l'Assuciaziun Funetica Internaziunala, creada a París in del 1886. L'alfabet l'ha pöö avüü un bel poo de revisiun in de la sua storia.
