Nathalie Cardone

De Wikipedia
Sata a-a navegassion Sata a-a serchia

La Nathalie Cardone (nassüda 'l 29 mars del 1967 a Pau, in Franza) l'è un' atura e cantanta franzesa. A l'è la tusa d'un pader sizilian ed una mader ispagnöla.

Biugrafia[Modifega | mudìfica 'l sorgènt]

La Nathalie Cardone l'è gnüda föra la prima völta is sül gran scherm in de l'ann 1988 cunt una part in del film ciamaa Drôle d'endroit pour une rencontre (ch'in Lumbard el vör dì Un stramb sit per un encunter) indua l'ha recitaa insema al Gérard Depardieu e la Catherine Deneuve.

Per chela part chi a l'è stada numenada per un César in de la categuria giuena atura.

Pö l'ha 'vüü anch un röl piscinin in del film La Petite voleuse (la piscinina ladra).

Despö l'ha 'vüü olter part in film e toch teatraj finn a quand l'haa 'ncuntraa 'l Laurent Boutonnat, quell che l'eva descuvrii la cantanta francu-canadesa Mylène Farmer. Chess chi l'eva dree a cercà vöna bona de parlà spagnö per una nöa interpretassiun del famus toch müsegal Hasta Siempre del Carlos Puebla. La cansun, registrada in de l'ann 1997, l'ha scalaa la hitparade franzesa fin sü al nümer düü e l'ha vendüü püssee de mezz mijun de disch. A purpòset del Che Guevara in d'una intravista la Nathalie l'ha dii che 'l Che l'è staa 'l toch pü sincer de la Revulüssiun Cübana, un simbul de la speransa.

In sü la cresta de chel sücess chi l'haa cumpunüü in del 1998 el so segund titul che però l'eva pü rock cuma 'l prim e che l'ha faa un büs in de l'agua.

In del 1999 l'è gnüü föra el so ters titul cunmpunüü tüt intregh de lee medèma e che l'è rivaa fin al nümer vot de la hitparade franzesa. De li a poch l'è pö gnüü föra 'l so prim album.

Dopu agn delunsg del mund de la müsega, in del 2008, la Nathalie L'e gnüda föra cunt un titul.

Discugrafia[Modifega | mudìfica 'l sorgènt]

Albüm de Stüdi[Modifega | mudìfica 'l sorgènt]

  • 1999 : Nathalie Cardone (# 30 in Franza, # 26 in Belgi)
  • 2008 : Servir le beau

Singuj[Modifega | mudìfica 'l sorgènt]

  • 1997 : Hasta siempre (# 2 in Franza, # 1 in Belgi, # 99 in Ulanda)
  • 1998 : Populaire (# 88 in Franza)
  • 1999 : ... Mon ange (# 8 in Franza, # 2 in Belgi)
  • 1999 : Baila si
  • 1999 : Les hommes de ma vie (Promo-CD)
  • 2008 : Yo soy rebelde / Hasta siempre (# 24 in Franza)
  • 2008 : Ma soeur (sera jamais ma rivale) (# 57 in Franza)

Filmugrafia[Modifega | mudìfica 'l sorgènt]

  • 1988: Drôle d’endroit pour une rencontre
  • 1988: La Petite Voleuse
  • 1989: J’aurais jamais dû croiser son regard
  • 1990: La fille des collines
  • 1994: L’Enfer
  • 1994: Le sourire
  • 1995: El Techo del mundo
  • 1996: L’Avocate (TV)
  • 1997: La colère d’une mère (TV)

Ligam in sü la Red[Modifega | mudìfica 'l sorgènt]