Ligustrum

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.
Ligustrum
occ.: olivètta
or.: ???
Ligustrum vulgare
Ligustrum vulgare
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Scrophulariales
Famìa: Oleaceae
Zèner: Ligustrum
Spéce: '

El Ligustrum L., 1753 a l’è on gener de piant arbustìv de la famiglia di Oleàcei.[1]

Etimologia[Modifega | modifica 'l sorgent]

El nòmm de quèll gener chì el deriva d’on nòmm antigh in latìn, giamò dopràa del scricciàtt, ammirali e naturalista romàn Gaio Plinio Second (23 – 79]) e del poèta romàn Virgilio (70 a.C. – 19 a.C.) , per i piant de sòlit ciamàa “olivètta” e “cabrosèll.[2][3] El primm botanich che 'l hà dopràa el nòmm "ligustrum" l’è stàa el Dioscoride (Anazarbe, 40 circa – 90 circa) ch'a l'era on medegh, botanico e speziée grèch antigh che l’è stàa 'drée a lavorà a Roma ai temp de l'imperador Nerón; inveci in di "temp modèrni" l’è stàa el botanich francés Joseph Pitton de Tournefort (Aix-en-Provence, 5 giugno 1656 – Parigi, 28 dicembre 1708) a doprà quèll tèrmin chì per indicà el géener. [4]

El nòmm scientifich l’è stàa definìi del biologh e scicciàtt svedés Linné (1707 – 1778), anca conossùu come Carl von Linné, che l’è consideràa ‘me ‘l pader de la classificazion scientifica moderna di organismi vivent, con la soa pubblicazión "Species Plantarum - 1: 7. 1753"[5] del 1753.[6]

Descrizion[Modifega | modifica 'l sorgent]

Chi piant chì pòden rivàgh a ‘n’altèzza de 20-30 meter. La forma biològica l'è fanerofita arbòrea (P scap), a hinn di piant de legn e gh’hànn 'n'aspètt arbòreo e di gèmm piazzàa a di altèzz del soeul maggior de 2 meter. Di alter form biològich hinn: la nan-fanerofìta (NP) - piant de legn perpetùv con di gèmm che intravèrsen l’invèrna piazzàa a on’altèzza del soeul infra i 30cm e i 2 meter - e la fanerofìta cespugliósa (P caesp) a seconda del tipo de créscita. Al fondament del fust pòden fàss divèrsi stolón, che, de già che vànn innanz per via vegetativa fan su di cespuli dens. Generalment chi piant chì hinn profumàa cont el tipich odór del lattice. [4][7][8][9][10][11]

Radis[Modifega | modifica 'l sorgent]

I radìs generalmént hinn fàa de legn.

Fust[Modifega | modifica 'l sorgent]

La parte del fust foeura de la tèrra l’è cespugliosa e sbattuda-giò oppùr pròppi arbòrea ma la'n gh’hà semper tanti de ramm; generalment la scòrza, l'è de colór brunéngh-verdaster e sòlia.

Foeuja[Modifega | modifica 'l sorgent]

I foeuj hinn intrègh e lùster, verd in su tucc e dò i facc e in sul fust hinn dispòst vuna oppòsta de l’altra; fànn su di verticij a grupp de du e ciaschedùn di verticìj l’è miss a 90° rispètt a quèll de sòta. Generalment i foeuj hinn càduch (ancabén in di zòn cont on clima pussée cald compagn de mar Mediterrani hinn pu o men persistént in del cors de l’invèrna). I foeuj gh’hànn on piccóll e vegnen classificàa in foeuj fondamentàj (quèj di ramm pussée de bass) con tona làmina infra l’ovàl-guzz e l’ellìttich e quèj de la scima con di làmin lanzeolad. Tant el pìccol quant i venadur centràl pòden vèss rossaster. I stìpol gh’hinn nò.

Fiorescenza[Modifega | modifica 'l sorgent]

I fiorescenz hinn fàd si de leouv a la fenitiva a forma infra l’ovàl e la piràmid. I fior fànn su di grupp densi e generlment hinn sub-sèssil.

Fior[Modifega | modifica 'l sorgent]

* K (4), [C (4), A 2], G (2), super, borlin/capsula.

Frutt[Modifega | modifica 'l sorgent]

El frutt l’è ‘n borlìn subsferich con endocarp membranos o de carta, rarament l’è ‘na drupa oppur l’è lucolìcid. I somenz hinn infra 1 e 4 cont on endospèrma carnós e ‘na radìs curta e piscinina vèrs l’alt. El colór del frutt, generalment l’è negher luster che ‘l tend al ross scur; i borlìtt hinn velenós.

Riproduzion[Modifega | modifica 'l sorgent]

Distribuzion e habitat[Modifega | modifica 'l sorgent]

L'àrea de orìgin di speci de quèll géner chì l’è sia européa (Euròpa center-meridionàl e Africa settentrionàl) che de l’Asia orientàl (Cina, Corea e Giappon) domà indoe gh'è l'habitat temperàa. Al stat spontani el cress in di bosch e in di sces. In Euròpa l’è sorattutt naturalizzada (come anca in del'America del nòrd).[4]

Distribuzion di speci alpin[Modifega | modifica 'l sorgent]

Di cinch speci che gh’hinn in sul territòri italian s'en treouven domà dò in su l’arch alpin. Quèlla tabèll chì la fa vedé domà on quaj dàa relòativ a l’habitat, al substrato e a la distribuzión di speci alpin[13].

Specie Comunitàa
vegetal
Pian
vegetazionaj
Substrato pH Livèll tròfich H2O Ambient Zòna alpina
Ligustrum lucidum 14 collinàr Ca - Si nèuter medi medi B9 tutt l'arch alpin
(naturalizzàa)
Ligustrum vulgare 13 montagnós
collinar
Ca - Ca/Si basich-nèuter bass medi G4 I2 I3 tutt l'arch alpin
Legenda e nòt a la tabèlla.

Substrato: con “Ca/Si” se voeuren indicà i ròcc de carater de mèzz (calcar silicei e compagn). Zòna alpina: vegnen ciapà in considerazion domà i zòn alpìn del territòri italian (hinn indicà i digli di provinci). Comunitàa vegetàl: 13 = comunitàa arbustìv; 14 = comunitàa forestàl.

Ambienti: B9 = terrén coltivàa di òmen; G4 = zòn di arbust e màrgin di bosch; I2 = bosch de latifoeuj; I3 = bosch de ròver submediterrani.

Tassonomia[Modifega | modifica 'l sorgent]

La famiglia a la quàl quèll gener chì ghe partén (Oleaceae) la gh’hà dent 25 géner e circa 600 speci[7] (29 géner e 600 speci second di alter autór[9][14] oppùr 24 géner con 615 speci[15]) spantegàa infra i region tropicàj e quèj temperàd. Quèll géner chì l’è comprés denter ind la sòtt-tribù di Ligustrinae (tribù Oleeae); grupp botànich caratterizzàa de la presenza di flavón glicosìd, di ovari con 2 òvuj che penden per ògni lòcul, di vas multipli e di fiber a forma de liber in del legn.[16]

I coltivadór e giardinée dividen i speci del géner Ligustrum in du grupp (e peou di alter división anmò):[4]

  • la làmina de la foeuja a l’è guzza (L. japonicum);
  • la lamina de la foeuja a l’è ottusa (L. lucidum);
  • speci sempervérd e fojàmm dur (L. delavayanum e L. strongylophyllum);
  • el tubo de la corònna l’è pussée curt di lòbi (L. compactum var. velutinum, L. sinense, L. vulgare e L. quihoui);
  • il tubo de la corònna l’è 2-3 vòlt pussée longh di lòbi.
  • la lamina di foeuj l’è lineà de bon (L. lindleyi);
  • la lamina di foeuj la gh’hà di form ovàl oppùr lanceolàd;
  • i pedicèj e i caliz hinn pelàa (L. henryi);
  • i pedicèj e i caliz hinn pu o men vellutàa (L. obtusifolium e L. ibota).

El numer di cromosoma de quèlla specie chì l’è: 2n = 46 (48).[7]

Speci spontani in Italia[Modifega | modifica 'l sorgent]

In Italia hinn presént chi speci chì (pù o men naturalizzàd):[8][17]

Elench complètt di speci[Modifega | modifica 'l sorgent]

El gener ligustrum el gh’hà dent chi speci chì:[1]

Galleria d’immagin d’ona quaj specie[Modifega | modifica 'l sorgent]

Sinònim[Modifega | modifica 'l sorgent]

Quèll gèner chì l’è stàa ciamàa in divèrsi manér in del cors del temp. Chi chì hinn i sinònim pussée frequent:[18]

  • Esquirolia H. Lév.
  • Faulia Raf.
  • Ligustridium Spach
  • Parasyringa W. W. Sm.
  • Phlyarodoxa S. Moore
  • Visiania DC.

Utilizzazion[Modifega | modifica 'l sorgent]

Quèll géner chì l’è fàa su arbùst e alber piscinìtt semperverd o caducifoeuj che grazie a la soa resistenza despèss hinn utilizzàa in di giardìn a fa su di barrér ver o di sces.[19]


Di borlìtt a se tra foeura, per mèzz del trattamenént con l’acqua distallada bojenta, ona sostanza colaranta che l’è doprada ‘me on indicadór chimìch de pH: la ligulina, che la gh’hà i proprietà de voltà al colór ross in ambient àcid (pH infra 6 e 0), e de voltà al verd in ambient basich (pH infra 8 e 14), la fa ancasì segnàl de la presenza di acqui ricch de calcar cont el voltà de l’acqua medesima vèrs el colór azur. Mudel:Citazione necessaria

Riferiment[Modifega | modifica 'l sorgent]

  1. 1,0 1,1 (EN) Ligustrum in The Plant List. URL consultato in data 25 maggio 2016.
  2. David Gledhill 2008, pag. 237.
  3. Botanical names. URL consultato in data 8 agosto 2016.
  4. 4,0 4,1 4,2 4,3 Motta 1960, Vol. 2 - pag. 681.
  5. BHL - Biodiversity Heritage Library. URL consultato in data 20 dicembre 2017.
  6. The International Plant Names Index. URL consultato in data 20 dicembre 2017.
  7. 7,0 7,1 7,2 Kadereit 2004, pag. 302.
  8. 8,0 8,1 8,2 Pignatti, vol. 2 – pag. 324.
  9. 9,0 9,1 9,2 Judd, pag. 490.
  10. 10,0 10,1 Tavole di Botanica sistematica. URL consultato in data 7 settembre 2015(archiviato dall'url originale in data 4 marzo 2016)
  11. eFloras - Flora of China. URL consultato in data 20 dicembre 2017.
  12. Musmarra 1996.
  13. AA.VV., Flora Alpina. Volume secondo, Bologna, Zanichelli, 2004, pag.182.
  14. Strasburger 2007, pag. 850.
  15. Angiosperm Phylogeny Website. URL consultato in data 11 dicembre 2017.
  16. Wallander et al. 2001.
  17. Conti et al. 2005, pag. 121.
  18. EURO MED - PlantBase. URL consultato in data 20 dicembre 2017.
  19. Ligustro - Ligustrum ovalifolium - Piante da Giardino - Ligustro a foglie ovali - Ligustrum ovalifolium - Arbusti. URL consultato in data 23 maggio 2017.

Bibliografia[Modifega | modifica 'l sorgent]

Ligamm de foeura[Modifega | modifica 'l sorgent]