Governo Draghi
|
Quest articol chì l'è scrivud in lombard, con la Noeuva Ortografia Lombarda |
| Governo Draghi | |
|---|---|
 | |
| Stat |  |
| Capo del governo | Mario Draghi (Independent) |
| Coalizion | Moviment 5 Stell, Liga, Forza Italia, Partid Democrategh, Liber e Inguai, Italia Viva, Pussee d'Europa, Azzion, Nunch cont l'Italia, Insema per el Futur |
| Legislatura | XVIII |
| Giurament | 13 de fevrer 2021 |
| Dimission | 21 de luj 2022 |
| Governo successiv | 22 de otover 2022 |
 Conte II Meloni  | |
El Governo Draghi a l'è stad el governo quell de 67 de la Republica Italiana guidad del Mario Draghi.
Storia
[Modifega | modifica 'l sorgent]Descrivud 'me un governo de unità nazzionala o tecnegh, l'è stad incaregad el 3 de fevrer dopo che 'l Governo Conte II l'è borlad sgiò dopo che Italia Viva l'è sortida del governo e l'ha vert una crisi. El President Sergio Mattarella, dopo havè dad un mandad esplorativ al Roberto Fico, che l'è fallid, l'ha incaregad el Draghi de provà a fà su un "governo d'alt profil", che l'ha acetad con riserva e che l'ha tacad a fà di so consultazzion che hann menad al desligà de la riserva la sira del 12 de fevrer e l'ha giurad el 13 intorna a mezdì.
El 11 de luj l'entra in crisi quand che el Moviment 5 Stelle el vota no el "DL Jut", che 'l gh'ha dent una delega che ghe permetaria al sindegh de Roma de fà su un termovalorizator in la cità e trii dì dopo, al Senad, i senator del Moviment lassen l'aula, con la fiducia, a dervì una crisi vera e propia, cont el Draghi che 'l va a dimetés del Mattarella, che però ja refuda e ghe dis de andà in Parlament.
El 20 de luj el comunega cont el Senad, a dì che ghe voeur un noeuv pat de fiducia, e gh'è 'na votazzion de fiducia, che la passa, ma senza i vot de Liga e Forza Italia, che vann foeura de l'aula, e del M5S, che però resten 'me present per dàgh el numer legal, roba che 'l mena a deventà un governo de minoranza. In la matina del 21 el se dimet in di man del Mattarella, dopo havéll nonziad a la Cambra, e 'l resta in pè per i afar corrent.
El 22 de otover el giura el governo Meloni che 'l sostituiss.
Minister
[Modifega | modifica 'l sorgent]- President del Consili: Mario Draghi
- Minister di Afar Forest: Luigi Di Maio (M5S, poeu IpF)
- Minister de l'Inovazzion tecnologega: Vittorio Colao
- Minister de la Publega Ministrazzion: Renato Brunetta (FI)
- Ministra di Afar Regionai e Autonomie: Mariastella Gelmini (FI, poeu independenta)
- Minister de la Salut: Roberto Speranza (LeU)
- Ministra de la Bassitalia: Mara Carfagna (FI)
- Ministra di Sgiovin: Fabiana Dadone (M5S)
- Minista di Par Oportunità: Elena Bonetti (IV)
- Ministra de la Disabilità: Erika Stefani (L)
- Minister del Turismo: Massimo Garavaglia (L)
- Ministra di Interni: Luciana Lamorgese
- Ministra de la Giustizzia: Marta Cartabia
- Minister de la Difesa: Lorenzo Guerini (PD)
- Minister del Desvilup Economegh: Giancarlo Giorgetti (L)
- Minister de l'Economia: Daniele Franco
- Minister de l'Agricoltura: Stefano Patuanelli (M5S)
- Minister de la Transizzion Ecologega: Roberto Cingolani
- Minister di Straport: Enrico Giovannini
- Minister del Lavorà: Andrea Orlando (PD)
- Minister de l'Istruzzion: Patrizio Bianchi
- Ministra de l'Università: Maria Cristina Messa
- Minister di Ben Colturai: Dario Franceschini (PD)
- Minister di Raport cont el Parlament: Federico D’Incà (M5S)
Riferiment
[Modifega | modifica 'l sorgent]- Governo, Draghi scioglie la riserva e annuncia i ministri: Franco all'Economia, Cingolani alla Transizione ecologica, Cartabia alla Giustizia
- Lombardia Incoeu
Alter proget
[Modifega | modifica 'l sorgent]
Wikiquote el gh'ha dent citazzion de o su Governo Draghi
Wikimedia Commons el gh'ha dent imagin o alter archivi su Governo Draghi
