Governo tecnegh

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

El governo tecnegh (in italian governo tecnico) a l'è 'n termen gergal de la Republica Italiana che 'l indica on governo faa di personalità tecnegh e desligaa de la politica che hinn mittuu a governà se gh'è 'na situazion de crisi politega, istituzionala o econòmica.

Terminologia

El governo tecnegh l'è ciamaa anca "governo istituzional", "governo di largh intes", "governo del President", "governo pont", "governo de scop", "governo balnear", "governo di affar corrent", "governo de tregua" e "governo neuter". Gh'è anca el governo elettoral, dedicaa domà a cambià la legg elettorala e menà al vot.

Contest

In Italia el governo el gh'ha de presentàss ai Camber dent de 10 di de la soa nomina per la fiducia e 'l pò vèss desfiduciaa se 'l gh'è pu on bon rappòrt politegh cont el Parlament.

On governo tecnegh a l'è dònca despess frutt de 'n accord faa di partii per fà no on governo esplicitament politegh, anca se di voeult a l'è frutt de la volontà del President de la Republica, in di situazion de eccezionala instabilità.

Governi tecnegh

In Italia a hinn staa tecnegh el governo Dini e 'l governo Monti. Anca el governo Ciampi a l'è despess consideraa tecnich, perchè Ciampi a l'éra mìnga member del Parlament, ma i sò esponent eren per la pupart di politegh, istess del governo Draghi, che l'è consideraa de 'n quajvun on governo tecnegh, anca se la pupart di minister hinn di politegh.

Bibliografia

ANSA.it Dal governo tecnico al governo del presidente, ecco il glossario della crisi. Un aiuto per orientarsi tra termini ostici quali "riserva", "reincarico", "mandato esplorativo" o "preincarico". 10 dicembre 2016
Roberto Bin; Giovanni Pitruzzella, Diritto pubblico, Torino, Giappichelli editore, 2005. 88-348-5674-0
Fabrizio Politi. Governo tecnico. URL consultad in data 7 agosto 2014.

Vos corelaa