Italia Viva

De Wikipedia
Lumbard ucidental Quest articol chì l'è scrivuu in lombard, grafia milanesa.
Italia Viva
PresidentMatteo Renzi
Stat
Italia
Fondazion18 de settember 2019
IdeolojiaLiberalism social
Europeism
Progressism
Riformism
CollocazionCenter/center-sinistra
Grup parlamentar europeeRenoeuvà l'Europa
Cadrege Cambra di Deputaa
9 / 400
Cadrege Senad
5 / 200
ColorFucsia
$fine
This box: view  talk  edit

Italia Viva a l'è on partii politegh italian, fondaa in del settember 2019 del Matteo Renzi.

Storia[Modifega | modifica 'l sorgent]

A seguit de 'na crisi de governo in l'agost del 2019, che la mena a la fin del Governo Conte I in tra la Liga e 'l Moviment 5 Stell, el PD, soratutt per volontà del Renzi, el riess a trovà 'n accord cont i Cinch Stell che 'l mena el Governo Conte II a giurà el 5 de settember. Anca se senza 'n post in del governo, el Renzi a l'è retegnuu di analista el ver creator del governo, cont el fin de fermà el Matteo Salvini.

El 16 de settember, però, l'anticipa che l'avaria lassaa el Partii Democrategh e 'l 17 el nonzia a la Republega che 'l sò Moviment l'avaria sostegnuu el governo del Giuseppe Conte. La sira a l'è nonziaa el nòmm del Moviment, che, a detta del Renzi, l'avaria poduu cuntà in su 40 parlamentar.

El secretari del PD Nicola Zingaretti l'ha deciaraa ch'a l'è staa 'n "error", menter 'l Dario Franceschini l'ha parlaa de 'n "gross problema". El Beppe Grillo l'ha daa al Renzi del narcisista e l'ha paragonaa al Salvini.

La pupart de la struttura iniziala la s'è fondada in sui Comitaa d'azion civega fondaa del Renzi a la Leopolda del 2018.

El 19 de settember el fa su i grupp a la Cambra e al Senad, indova che 'l gh'ha de acordàss cont el Riccardo Nencini per mettès insemma al Partii Socialista Italian, degià ch'al Senad a l'è mìnga possibèl fà di grupp di forz mìnga reppresentaa ai elezion.

I minister del governo Conte II Teresa Bellanova e Elena Bonetti e 'l sottasecretari Ivan Scalfarotto aderissen tucc al moviment, e se dimetten el 13 de sginee del 2021, intant che 'l Renzi l'ha deciaraa 'na crisi de governo.

Al referendum in su la giustizia del 2022 se s'ceren cont el sì.

Ideologij[Modifega | modifica 'l sorgent]

A l'è retegnuu 'n partii de center-sinistra moderaa, arent a la terza via e al progressism e al reformism.

Reppresentant[Modifega | modifica 'l sorgent]

Cambra di Deputaa[Modifega | modifica 'l sorgent]

In del grupp Italia Viva: Lucia Annibali, Michele Anzaldi, Maria Elena Boschi, Nicola Carè, Matteo Colannino, Camillo D’Alessandro, Vito De Filippo, Mauro Del Barba, Marco Di Maio, Cosimo Ferri, Silvia Fregolent, Maria Chiara Gadda, Roberto Giachetti, Gianfranco Librandi, Luigi Marattin, Gennaro Migliore, Mattia Mor, Sara Moretto, Luciano Nobili, Lisa Noja, Raffaella Paita, Giacomo Portas, Ettore Rosato, Ivan Scalfarotto, Gabriele Toccafondi, Massimo Ungaro, Gelsomina Vono.


Senad de la Republega[Modifega | modifica 'l sorgent]

In del grupp Italia Viva-P.S.I: Teresa Bellanova, Francesco Bonifazi, Eugenio Comincini, Donatella Conzatti, Giuseppe Cucca, Davide Faraone, Laura Garavini, Nadia Ginetti, Leonardo Grimani, Ernesto Magorno, Mauro Marini, Riccardo Nencini, Matteo Renzi, Daniela Sbrollini, Valeria Sudano.

Riferiment[Modifega | modifica 'l sorgent]

Vos corelaa[Modifega | modifica 'l sorgent]