Giuseppe Conte

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
bussola Disambiguazión – Se te see dree a cercà di alter significaa, varda Giuseppe Conte (disambiguazión).
Giuseppe Conte
Giuseppe Conte 2018.jpg

Flag of the Prime Minister of Italy.svg
President del Consili di Minister
In carica
Prencepe del mandad 1 de giugn 2018
Capo de Stat Sergio Mattarella
Predecessor Paolo Gentiloni
Coalizion Moviment 5 Stell + Liga (Governo del Cambiament)

Informazion jenerale
Partid politeg Independent arènt al Moviment 5 Stell
Titol de studi Laurea in giurisprudenza
Universitaa Università La Sapienza
Profession Professor universitari

El Giuseppe Conte (Volturara Appula, 8 agost 1964) a l'è on giurista italian.

Biografia[Mudifega | mudìfica 'l sorgènt]

Conte cont el Mattarella

Fioeu de Nicola (secretari comunal) e Liliana Roberti (maestra elementara) el se laurea in del 1988 a l'Università la Sapienza de Roma 'me civilista. Dal 1992 al 1993 a l'è sta borsista al CNR e dopo 'na quaj attività a l'ester in del 2000 el deventa professor sociaa e in del 2002 professor ordinari e l'ha insegnaa a Roma, Malta, Sassari per rivà a Fiorenza.

El 18 de settember 2013 l'è elegiuu de la Cambra di Deputaa 'me member del Consili de presidenza de la giustizia ministrativa e ne deventa vicepresident.

Semper in del 2013 el toeu part a la fondazion "Voa Voa" per i cur compassionevoj, insemma a la Gina Lollobrigida, e che l'ha sostegnuu in principi el metod antiscientifich Stamina.

Attività politega[Mudifega | mudìfica 'l sorgènt]

Exquisite-kfind.png Per savenn pussee, varda l'articol Governo Conte.
Wikiquote-logo.svg
«Sont professor e avvocatt, in del cors de la mè vita hoo peroraa i caus de tant personn. Adess difendaroo i interess de tucc i italian, in tucc i sed, europee e internazionai, dialogand cont i istituzion europee e cont i reppresentant di alter Paes. Voeuri vess l'avvocat defensor del popol italian, sont disponibil a fàll senza resparmiàmm, cont el massim impegn e la massima responsabilità»
(Conte in del descors dòpo del primm incarich)

El 27 de febrar 2018 a l'è nonziaa 'me Minister de la publega ministrazion del Luigi Di Maio in cas de vittoria del Moviment 5 Stell ai elezion politegh del 4 de marz 2018.

El 21 de magg 2018 a l'è parpognuu 'me President de 'n governo de accord in tra el Moviment 5 Stell e la Liga. El 23 de magg el President de la Republica Sergio Mattarella el ghe da l'incarich e lu l'accetta con riserva. El 27 de magg el remett el mandaa al Capo de Stat, dopo de 'na polemica in su la nomina a minister del Paolo Savona a l'economia, retegnuu del Mattarella tropp euroscettich per la campagna elettorala che l'ha parlaa no del tema.

El 31 de magg, dòpo de 'n incarich informal al Carlo Cottarelli, M5S e Lega troeuven on àlter accord e deciden de mett ancamò Conte 'me sò Premier, e l'è convocaa la sira al Quirinal. El ricev dònca l'incarich e 'l legg subit la lista di minister senza riserva e 'l ciappa la fiducia del Parlament in di dì dopo.

Vita privada[Mudifega | mudìfica 'l sorgènt]

El gh'ha on fioeu, Nicolò, nassuu in del 2008, de la miee Valentina, de che l'è separaa.

A l'è assee devott al Pader Pio.

Idej politegh[Mudifega | mudìfica 'l sorgènt]

L'ha deciaraa de vèss staa elettor de la sinìstra prima de votà el Moviment 5 Stell e che, per lu, incoeu el gh'ha pu sens parlà de destra e sinistra ma che bisogna valutà i forz per el sò rappòrt cont i libertà fondamentai e 'l rispett di drizz.

A l'è a favor de 'na semplificazion legislativa e burocratica. L'è contrari a la reforma "Buona Scuola" del governo Renzi.

Pubblicazion[Mudifega | mudìfica 'l sorgènt]

Oeuver monografich[Mudifega | mudìfica 'l sorgènt]

  • Conte, G., Le regole della solidarietà. Iniziative non profit dei privati e mediazione dei pubblici poteri, Roma, 2001.
  • Conte, G., La simulazione del matrimonio nella teoria del negozio giuridico, Padova, 1999.
  • Conte, G., Il volontariato. Libertà dei privati e mediazione giuridica dello Stato, Roma, 1996.

Oeuver curaa[Mudifega | mudìfica 'l sorgènt]

L'ha curaa i seguent volumm:

  • Conte, G. (con S. Landini), Principi, regole, interpretazione. Contratti e Obbligazioni, famiglie e successioni. Scritti in onore di Giovanni Furgiuele, Universitas Studiorum, 2017 ISBN-13 978-8899459772
  • Conte, G., La responsabilità d'impresa, 2015.
  • Conte, G., Evoluzione e valutazione della ricerca giuridica, 2015.
  • Conte, G., The proposed Common European Sales Law - The Lawyers' View, Munich, 2013 9783866532496.
  • Conte, G. (con G. Alpa; V. Di Gregorio; A. Fusaro; U. Perfetti), Rischio di impresa e tutela dell’ambiente. Precauzione - responsabilità - assicurazione, Napoli, 2012 8849521219.
  • Conte, G. (con G. Alpa, S. Amorosino; A. Antonucci; M. Pellegrini; M. Sepe; V. Troiano), Le regole del mercato finanziario. Scritti in onore di Francesco Capriglione, Padova, 2010.
  • Conte, G. (con V. Vigoriti), Futuro, giustizia, azione collettiva, mediazione, Torino, 2010.
  • Conte, G. (con G.Alpa; V. Di Gregorio; A. Fusaro; U. Perfetti), I beni culturali nel diritto. Problemi e prospettive, Napoli, 2010.
  • Conte, G. (con G.Alpa; V. Di Gregorio; A. Fusaro; U. Perfetti), Il diritto dei consumi. Aspetti e problemi, Napoli, 2010.
  • Conte, G. (con G. Alpa; V. Di Gregorio; A. Fusaro; U. Perfetti), La disciplina dell'appalto tra pubblico e privato, Napoli, 2010.
  • Conte, G., La responsabilità sociale dell'impresa, di Autori vari, Bari-Roma, Laterza, 2008.
  • Conte, G., Artt. 283-304. Codice delle assicurazioni private. Commentario al d.lgs. 7 settembre 2005, n. 209, a cura di F. Capriglione con la collaborazione di G. Alpa e A. Antonucci, vol. III, t. II. di Autori vari, Padova, Cedam, 2007.
  • Conte, G., Libro I e Libro II del Codice civile commentato, di Autori vari, Ipsoa Editore, 2005.

Riferiment[Mudifega | mudìfica 'l sorgènt]