Nintendo

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
Logo dupraat da la Nintendo fin al 2006

La Nintendo Company Ltd. l'è un'azienda giapunesa, rinomada in tüt el mund per la prodüziun de videogiögh e console.

Nintendo l'è anca vöna di püssée grand mültinaziunaj del paes.

Storia[Modifega | modifica 'l sorgent]

Segg principal dela Nintendo a Kyōto, Giappun

L'è stada fata sö el 23 de setember in del 1889 da Fusajiro Yamauchi.

Al principi di ann '80 la Nintendo l'è pasada dai giögh de carte e mecanich ai giögh eletronich. Anca se l'è nada dent el mund di videogiögh in del 1975 cume destribütur dela console Magnavox Odyssey, in del 1977 l'ha tacaat a fà sö di console propri. Per el grand sücess ciapaat in Giapun, in del 1985 la Nintendo l'è rüada in del mercat del' America del Nord e l'ann a segütà in Europa.

La Nintendo l'ha faat sö 6 console da tavul: el Famicom/NES, el Super Famicom/SNES, el Nintendo 64, el GameCube, el Wii - faa anca in versiun mini, el Wii U e 'l Nintendo Switch, faa pö in versiun Lite. Ancasì a la console da tavul, la Nintendo ha prudüt di console purtatil, 'me el Game Boy, avanzaa pö in del Game Boy Color e Game Boy Advance, quater versiun del Nintendo DS, tri versiun del Nintendo 3DS (3DS, 3DS XL e 2DS), el Virtual Boy, i Game & Watch, i Pokémon Mini e i Nintendo Mini Classics.

La Nintendo ha püblicaat püssé de 500 giögh, cunt el jütt de olter grupp per lo svilüpp. In 30 ann la Nintendo ha vendüt püssé de 577 miliun de console e 3,5 miliard de copi di videogiögh. El 23 de setember 2009 la Nintendo la festegia el sò 120° ann de vita.

Dal 2002, el president dela Nintendo a l'è Satoru Iwata. La mascotte dela Nintendo a l'è Mario, un persunagg faat sö in del 1981 da Shigeru Miyamoto per el videogiögh arcade Donkey Kong. In del 2015 el Iwata el mör e 'l president el deventa Tatsumi Kimishima finna al 2018 e dopu el Shuntaro Furukawa.

Ligamm de fö'[Modifega | modifica 'l sorgent]