PlayStation
La PlayStation (breviada PS1 o PSX) a l'è stada la prima console di videogioeugh a 32 bit de la Sony Interactive Entertainment, presentada in del 1994 e venduda finna al 2000, quand che l'è sortida la PlayStation 2.
El progett a l'è scominciaa quand che la collaborazion in tra Nintendo e Sony per fà su el SNES-CD a l'è fornida e la Sony l'ha doperaa i cognossenz per fà 'na soa console cont el CD bona anca de vess doperada per scoltà la musega, che l'è stada la console la pussee venduda de la soa epoca, che l'ha battuu cont i sò pussee de 100 milion de vend el Nintendo 64, che l'ha faa 33 milion, e 'l Sega Saturn, che l'ha faa 10 milion.