Cupola del cumulonemb

Quest articol chì l'è scrivuu in lombard, grafia milanesa.

Cupola del cumulonemb che la sbora foeura de l’incuden sora la scima de ona super-cèllula de temporal

Diagrama de on temporal a super-cèllula, che ‘l fa vedè la cupola del cumulonemb che la cress dessoravia de l’incuden

La cupola del cumulonemb la se forma sora l'incuden de on cumulonemb quand che la corrent ascedenta de un temporal l’è inscì fòrta de sborà foeura ind l’inversadura tèrmica de la stratosfera. Quand che la se forma gh’è ona fòrta instabilità atmosferega.

Formazion

Quand che 'l se forma on temporàl, i nivol leven su in verticàl ind l'atmosfera fin tant che la corrent ascendenta del temporal la raggiòng el livèll de equilibri, o ben el pont indoe l'aria che la gh'è intorna la gh'hà l'istèssa temperadura. Quèst "pont de equilibri" chì a l'è despèss la tropopausa. Inveci che segutà a 'ndà su ind la troposfera, la créscita vertical e la nivola, de colp la se ferma, e la taca a créss in orizzontal. La se forma inscì l'incuden in su la scima del cumulonemb.

La cupola del cumulonemb la se forma quand che la corrent ascendent del temporal, per via del slanz provocaa d'ona salida svèlta e de la fòrza de sollevament, la sbora foeura de là del sò livèll de equilibri, e la forma la tipica cupola. Quèst el pò capità con qualsessìa cumulonemb quand che l'instabilità atmosferega l'è molto alta.

Interpretazion

• Se la cupola a l’è persistenta (pussée de 10 minùt), l’insegna di super-cèllul attiv con el ris’c de tempèsta e borineri;
• se a l’è temporani el temporal a l’è pulsant con fasi de brutt temp e tempèsta ma senza tromb d’aria;
• se la cupola la ven a voltra a cicli, alora l’insegna on temporal a super-cèllula che ‘l se ripètt e l’è bon de ingenerà di tromb d’aria multipli.