Clefi

De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental

Clefi, (luminàt amò come Clef, Clepho, o Kleph; ... - 574) l'è stat rè dei Longobàrcc e rè d'Italia del 572 al 574.

Dópo che gh'è stat copàt el rè Albuì endèl complòt mitìt en pé de sò spùza Rosmunda, i trentasich duchi longobarcc reünìcc a Pavia, i g'ha iligìt Clefi a sò söcesùr. La sò ilisiù la g'ha 'nterumpìt la regènsa de la stìrpa dei Gausi perchè Clefi l'ìa de la stìrpa dei Beleos.

Clefi el g'ha slargàt le cunquìste lombàrde a dei teretóre nöf e isé 'l g'ha portàt en nacc le cunquìste de l'Albuì. El g'ha completàt la cunquìsta de la Toscana e 'l g'ha asediàt Ravenna. El g'ha perseguitàt i nòbii de stìrpa latìna e bizantìna co l'edèa de portà 'n nacc la pulìtica de Albuì che la miràa a mèter en crìzi i istitùti giürìdich-aministratìf che s'ìa zamò consolidàcc col domìnio ostrogòto e bizantì, L'aristocrasìa latìna isé l'è stàda en bùna part eliminàda e i sò teré e i sò aptremóne i stacc ocupàcc e espropriàcc.

El sò régn l'è düràt póch, apéne 18 més. Segónt la testemognànsa del Pàol Diàcon (Historia Langobardorum (lìber II, capìtol 31), endèl 574 Clefi l'è stat scanàt condena spàda de giöna de le sò guàrdie, ensèma a sò spùza Masane. L'atentàt par che 'l sàpe stàt organizàt de 'n quach vergü dei sò duchi o fórse de l'ezàrca de Ravenna.

Dòpo chèsto epizóde, i Longobàrcc i g'ha rinünciàt a elèger en söcesùr e 'l régn l'è stat spartìt sö 'n 36 dücàcc separàcc, e 'n sostànsa endependèncc. Dòpo de dés agn, perìodo ciamàt "Perìodo dei dùchi", i longobàrcc i turnarà a mèter sö 'n rè, e ghe tocarà a sò fiöl Autari.

Bibliografìa[Modifega | mudìfica 'l sorgènt]

Colegamèncc estèrni[Modifega | mudìfica 'l sorgènt]