Rosamunda

De Wikipedia
(Rimandaa da Rosmunda)
Jump to navigation Jump to search
Quell articol qì l'è scrivud in Lombard, ortografia SL.
La Rosamunda forzada a biver ind el crani del so pader.

La Rosamunda o Rosmunda, del latin Rosemunda († Ravena, 572) l'è staita una rejina lombarda, moier de l'Alboin.

Biografia[Modifega | mudìfica 'l sorgènt]

La Rosamunda l'era la s'cieta del sovran dei Jepids, Cunimond, vencid e copads in bataia de l'Alboin ind el 567. Despos l'è staita ciapada come moier del sovran lombard, fors per ligar-s i Jepids restaits. La nœva rejina l'ha insé seguid ol so om ind la granda conquista-migrazion de là dei Alp, ind el 568.

Segond la tradizion lombarda, reportada del Paol Diacon, un dé la saress staita obligada de l'Alboin (de probabel imbriag) a biver ind una copa faita cond el crani del so pader, e per vendicar-s l'havress organizad ol mazament del marid insema a l'Elmiqi, scuder del sovran qe l'era deventad ol so amant, ind el 572. Segond dei oltre fonts, manc ligade a la lejenda, al saress stait un tentativ de colp de stat organizad de l'istess Elmiqi, decorde cond la rejina e una part dei trupe jepide e lombarde, sostegnid de l'Imper d'Orient. Anca se i conjurads i è rivads a copar ol sovran, i ge saress miga rivads a ciapar ol poder per la granda oposizion del popol.

De tute i manere, a la fin la Rosamunda l'è scapada a Ravena insema a l'Elmiqi e la fiœla de prim leit, Albsuinda, cond el tesor real. Qé i duu amants i se saress sposads, per pò litigar e copar-s vun cond l'olter, fors cond el tosseg.

Bibliografia[Modifega | mudìfica 'l sorgènt]