Bit (formai)
|
Quest articol chì l'è scrivud in lombard, con la Noeuva Ortografia Lombarda |
| Bit DOP | |
|---|---|
 | |
| Origen | |
| Pòst d'origen |  Italia |
| Region | Lombardia |
| Area de produzion | Vall orobeghe di provinsce de Sondri, Berghem e Lech |
| Dettaj | |
| Categoria | formai |
| Reconossiment | D.O.P. |
| Settor | Formai |
| Consorzi de protezzion | Consorzio Tutela Formaggi Valtellina Casera e Bitto |
El Bit a l'è un formai d'alpegg e de stalla a denominazzion de origen protegiuda (DOP).[1]
A l'è un formai grass a pasta cosuda e semidura, producid con la lavorazzion del lacc vacin crud intregh do voeulte al dì, la matina e la sira, subet despoeu de la mungidura. Al lacc vacin el poeul facoltativament vesser giontad lacc caprin crud (minga pussee del 10%).
Storia[Modifega | modifica 'l sorgent]
La nassion del Bit la se referiss ai Celt che, despoeu de vesser stat casciad de la pianura, troeuven sit in Valtellina. Per conservà i proprietà nutritiv del lacc in del tempo, principien a producì formai a longa conservazzion. L'usanza de alevà i animai de lacc e de producì formai l'è rivada in fina a incoeu.
In tra el 1995 e el 1996 el Formai Grass Valtellina l'ha prima otegnud el nom de Bit e poeu la denominazzion de origen protegiuda[2]. Per podé producì pussee formai e donca la vendita a un prezz pussee acessibel, el consorzi Bit DOP el modifega in quell period el propri dissiplinar tradizzional.
I produtor de la Valgerola, impunemanch, seguten a producì el Bit segond ma manera tradizzionala, se spartissen inscì del Bitto DOP e dann vita al Bit storegh[3] che el vegn presidi Slow Food[4]. Del prim setember 2016, i produtor hann decidud la registrazzion de un noeuv marchi, in manera de podé comercializzà el formai de la tradizzion celtega cont el nom de "Storegh ribell"[5][6][7].
Zona de Produzzion[Modifega | modifica 'l sorgent]
El Bit DOP el se otegn domà cont el lacc producid in di alpegg e in di stalle de una quaj zona dei Alp Orobi. El sit de produzzion principal inn i vall orobeghe de la provinscia de Sondri e un quaj comun de la bergamasca vall Brembana (Averara, Carona, Cus, Fopol, Mezzold, Piazzatorr, Santa Brigida, Vallev) e di leches Valsasna e Valvarron (Introeubi e Premana).
El Storegh ribell, inscambi, el se produs domà in di alpegg di Vall del Bit (comun de Coeus per i abitat de Sach e Mellarol, e i comun de Resura, Pedesina, Geroeula, Albarii e Bema) in d'un periodo de produzzion in del pascol estiv; el resto de l'ann i vache e i cavre el passen in di stall e in di recint del fondovall. La presenza di cavre a l'è necessaria per el so lacc tassativament previst del dissiplinar del Storegh.
Alimentazzion di bes'c[Modifega | modifica 'l sorgent]
El lacc el vegn de vache de razze tradizzionai e de cavre di alpegg in di zone sora diite. I vache e i cavre doperade per producì el Bit DOP se nutren de fen e de mangim speciai e tratad in manera de amplà la produzzion de lacc. L'è consentida per i un'integrazzion de l'alimentazzion de pascol, fissada in di limit massim de 3 chilogram de sostanza seca al dì, con quei aliment chì: mais, orz, formenton, soia, melass (minga pussee del 3%). L'è permetud l'impiegh de sal pastorizzi. L'è permetuda se sorapuu un'alimentazzion di domà socors a bas de fen de prat stabel.
Per quanto riguarda lo Storico ribelle, il latte deriva da vacche di razze tradizionali e da cavre, in particolar modo di Capra Orobica o di Valgerola, specie a rischio di estinzione.
Carateristeghe principai[Modifega | modifica 'l sorgent]
- forma cilindrega con diameter 30-50 centimeter
- scalz concav de 8-12 centimeter de altezza
- pes 8-12 chil
- pasta dal bianch al sgiald segond la stagionadura con ociadura rada a oeugg de pernis
- crosta compata, de color sgiald pussee intens con la stagionadura de spessor in tra 2 e 4 millimeter
- savor dolz, delicad, note aromateghe de erb d'alpegg
- grass in su la sostanza seca (minga manch del 45%)
- umidità media a 70 dì (38%)
Identifegazzion[Modifega | modifica 'l sorgent]
El prodot el vegn identifegad de un contrassegn che el vegn metud a foeugh in sul scalz a la fin del period de maturazzion e prima de meter al consum el formai. L'è componid de la scrita "Bit" indova la B a l'è parzialment legibela e el completament de la letera el vegn con l'imagin de una forma de formai stilizzada a la qual cala una feta. La part che la cala de la forma la va a componì una ‘V' iniziala de Valtellina. Quell marchi chì el vegn impress a foeugh in su quater pont del scalz de la forma, con verifega del prodot ai carateristeghe previste del dissiplinar de produzzion a cura del Consorzi per la Tutela di Formai Valtellina Casera e Bit. I form inn poeu inseriee in del circuit comercial, cont el disch de carta normad del Dissiplinar de Produzzion. El prodot a l'è comercializzad in forme intreghe o a porzion.
Denominazzion d'Origen Protegiuda[Modifega | modifica 'l sorgent]
El Bit a l'è recognossud denominazzion d'origen cont el Decret Ministerial del 19 april 1995 e DOP cont el regolament (CE) n. 1263/1996. Per la tutela del Bit DOP a gh'è un Consorzi che el representa anca el Valtellina Casera DOP. El Consorzi de tutela di formai Valtellina Casera e Bit (C.T.C.B.) l'è stat fondad in del 1995 per la promozzion e tutela de quei formai chì, cont una vigilanza in su la produzzion e el commercc di formai.
Organism de riferiment[Modifega | modifica 'l sorgent]
Consorzi per la tutela di formai Valtellina Casera e Bit.
Bibliografia[Modifega | modifica 'l sorgent]
- Mauro Rosati, Guida Qualivita 2011. I prodotti agroalimentari italiani DOP IGP STG (in it), 2011. URL consultad: 10 gennaio 2018.
- Ente Regionale per i servizi all'agricoltura e alle foreste: Atlante dei prodotti tipici e tradizionali
- Regione Lombardia QdR n. 132 - Bitto e Valtellina Casera DOP: tipicità e innovazione
Note[Modifega | modifica 'l sorgent]
- ↑ segondo el regolament (CE) n. 1263/1996
- ↑ Decr. MI.RI.AGR.AL.FO. 19.4.95
- ↑ M. Corti, Ribelli del bitto. Quando una tradizione casearia diventa eversiva., Bra, Sow Food, 2013.
- ↑ Michele Corti. Valtellina che gusto industriale. URL consultato in data 10 gennaio 2018.
- ↑ Marisa Fumagalli. (IT) La guerra del Bitto: lo storico formaggio cambierà nome. 5 luglio 2016. URL consultato in data 10 gennaio 2018.
- ↑ ALESSIA BERGAMINI. (IT) Guerra del marchio, "Il Bitto storico non esiste più". 21 luglio 2016. URL consultato in data 10 gennaio 2018.
- ↑ (IT) Il momento è arrivato: diciamo addio al Bitto Storico. 20 luglio 2016. URL consultato in data 10 gennaio 2018.