Umidità specifega

Quest articol chì l'è scrivuu in lombard, grafia milanesa.

Umidità specifega in funzion de la temperadura, con pression atmosferega de 1000 hPa

L'umidità specifega a l’è ‘na grandezza fisica che la misura l'umidità che la gh’è denter in ona cèrta massa de aria. La pò anca vèss ciamada titol de vapor.

Definizion

La se definìss ‘me el rappòrt tra la massa del vapor de acqua m_v e la massa complessiva de aria m in quèlla colòna lì che gh’hinn denter ind on cèrt volùmm m=m_v+ m_d, con m_d massa de aria sècca:

$q={\frac {m_{v}}{m}}$

L'umidità specifega l’è ligada al rappòrt de mes'cianza (r) per mèzz di sti relazion chì:

$q={\frac {r}{1+r}}$

$r={\frac {q}{1-q}}$

Del pont del vista di numer, l'umidità specifega e el rappòrt de mes’cianza hinn quasi eguàl:

$q\approx r$

e donca:

$q\approx 622{\frac {p_{v}}{p-p_{v}}}\;{\begin{matrix}\mathrm {g_{v}} \\\mathrm {kg} \end{matrix}}$

indoe 'p' a l'è la pression atmosferega e 'p_v' la pression parzial del vapor.

Ai temperadur normàj, el valore de q a l’è pressappòch 5-20 g_v/kg in sul livèll del soeul (istèss del 0,5-2% de l'aria) e 0,1 g_v/kg ind la media troposfera (istèss de 0,01%).

Càlcol

On tal valor de umidità specifega el pò vèss ottegnùu se a se conóss la pression atmosferega in èttopascal (hPa) e la temperadura de l'aria in grad Celsius, cont el doprà la fórmola de calcolà la pression de vapor satur e il rappòrt de mes’cianza, e la ne fa conóss el valor del moment de l’umidità specifega.

$p=6,11\cdot 10^{\left({7,5\cdot T \over 237,7+T}\right)}$

$r={622\cdot p_{v}s \over p_{-}p_{v}s}$

$q={r\cdot UR \over 100}$

indoe:

• T a l’è la temperadura
• p_vs a l’è la pression de vapor de saturazion
• p a l’è la pressione atmosferega
• r el rappòrt de mes’cianza
• UR l’è l'umidità relativa
• q l’è l'umidità specifega

El valor del rappòrt de mes'cianza moltiplicàa per l’umidità relativa ne fornìss l’ùmidità specifega de l’aria esaminada.

Bibliografia

• Alan S. Foust; Leonard A.Wenzel; Curtis W. Clump; Luis Maus; L. Bryce Andersen, I principi delle operazioni unitarie, Ambrosiana, 1967.
• Alberto Cavallini, Termodinamica applicata, Cleup, 1990.
• Mario Giuliacci (2010). Manuale di meteorologia (in italian). Alpha Test. ISBN 88-483-1168-7. 

Vos correlaa

• Umidità assoluda
• Umidità relativa
• Rappòrt de mes'cianza
• Pont de rosada