Soldanella alpina
|
|
Chest artícol a l'è scricc in Lumbàrt, ortograféa orientàl unificàda. |
| Soldanella alpina | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 Soldanella alpina en Baviera
| ||||||||||||||||||||
| Classifigazion sientífiga | ||||||||||||||||||||
| ||||||||||||||||||||
| Nomm binomial | ||||||||||||||||||||
| Soldanella alpina L. |
Soldanella alpina l'è 'na spéce de piànta erbàcea de la famìa botànica de le Primulaceae.
Descrisiù[Modifega | modifica 'l sorgent]
L'è 'na piànta de 30 ghèi de altèsa, co fòie dispunìde endèna rüzitìna bazàl, col gambì lónch de 1 a 6 ghèi co pilizì glandulàr cürcc cürcc, che va vià prèst e che düra mìa 'nfìna a la madürasiù de la piànta. La làmina de la fòia l'è spèsa, a fùrma de rugnù, quàze circolàr, làrga de 1,5 a 6 ghèi, condena scaadüra a la bàze, a ólte de 1/6 de la longhèsa, vérde scüre, löstre, de spès entréghe, co l'òrlo pià e scorzégne a tocàle. El gambì del fiùr l'è lónch dei 5 ai 15 ghèi quan che l'è fiurìt, 'nfìna a 30 ghèi quan che 'l pórta 'l fröt. La 'nfiurescènsa l'è a ombrèla de 2 a 5 fiùr ermafrudìcc, de culùr celèst-viòla, co pedezèi de 3 a 15 mm.
.JPG)
El càles el g'ha 5 sépali tacàcc ensèma, de culùr maròn-rós. La coròla l'è de 8 a 13 mm, de lar biànca, dividìda 'nfìna a la metà de la longhèsa o pò a de piö en 4, 5 o 6 lòbi o lacìnie lineàre e strète, con 5 pétali tacàcc ensèma endèla zòna inferiùra a fùrma de turtaröl, de 7 a 15 mm de longhèsa, 5 stam mìa pilùs saldàcc edèla tèrsa part bàsa, co filamèncc piö cürcc dei sachèi del pòlen. L'ovàre l'è súpero. El fröt l'è 'na càpsula de 10 a 15 mm de longhèsa, deisènta, che se dèrf en 10 décc. La pulinizasiù la se fà per mès dei insècc.
Habitat[Modifega | modifica 'l sorgent]
La preferés i teré frèsch, piö o méno gras. La é sö 'ndèi pracc alpì ömecc per enfiltrasiù, valète nevùze e depresiù. Se la tróa dei 1350 a 2600 méter söl leèl del mar.
Distribusiù[Modifega | modifica 'l sorgent]
'N Europa, se la tróa 'n Spàgna, Francia, Germània, Svìsera, Austria, Italia, Bulgaria e Repüblica Céca.
Sinònim[Modifega | modifica 'l sorgent]
- Soldanella alpina subsp. alpina L.
- Soldanella alpina subsp. cantabrica Kress
Bibliografìa[Modifega | modifica 'l sorgent]
- Sandro Pignatti, Flora d'Italia, Bologna, Edagricole, 1982. ISBN 8850624492
- González Corregidor J. & Parejo Ana, (1999): Plantas Silvestres de la Flora Ibérica, Toledo : Grijalbo, ISBN 84-253-3336-9
Colegamèncc estèrni[Modifega | modifica 'l sorgent]
