Enfiurescènsa

Chest artícol a l'è scricc in Lumbàrt, ortograféa orientàl unificàda.

'Na 'nfiurescènsa de Allium textile

Endèle Angiospermae, i fiùr i pöl véser sùi o reünìcc en enfiurescènse.
El fiùr sul el reprezènta la cundisiù piö sèmpia e del pont de vìsta de l'evulusiù, chel piö antìch. Co l'evulusiù 'nvéce s'è nit a svelöpàs le 'nfiurescènse, furmàde de divèrsi fiùr.
I vantàgi evulutìf de le 'nfiurescènse 'n sostànsa i è du: el prim l'è che i è piö vistùze e le tìra piö tacc insècc per l'empulinasiù; el segónt l'è ligat al fat che i fiùr i se dèrf mìa töcc ensèma ma de menemà e isé la piànta la g'ha la pusibilità de reséer el pòlen per en tép piö lónch.

A segónt de la progresiù de la fiuridüra se pöl defenése du tìpi principài de 'nfiurescènse:

enfiorescènse definìde endóche l'as principàl de la 'nfiurescènsa el fenés condèn àpice fiuràl che prèst el deènta 'n primórde fiuràl e isé 'l fà desmèter de crèser el ramilì. En chèsta sórt de 'nfiurescènse, de sòlet i fiùr i se dèrf a pàrter de 'nsìma a nì isé 'n zó.
enfiurescènse indefinìde endóche l'as de svelöp el fà sö apéna fiùr laterài o pursiù de 'nfiurescènsa; en chèsto tìpo de 'nfiurescènse se dèrf prìma i fiùr piö 'n bas e chèi piö estèrni, e al stès tép se 'n fùrma de nöf en mès e 'nsìma.

Se pöl fà 'n ótra distinsiù 'ntrà:

enfiorescènse sèmpie, che g'ha apéna 'n as de ramificasiù (p.es.: gràte, spìghe, ombrèle)
enfiorescènse cumpunìde, con du o piö ùrdegn de ramificasiù (p.es.: sìme, panòcie)

Tìpi de 'nfiurescènse[Modifega | modifica 'l sorgent]

Amènt
Capulì, enfiorescènsa furmàda de 'n aglomeràt spès spès de fiùr sèsii.
Ciàse, tìpich de le piànte de la famìa de le Euphorbiaceae
Sìma
Curìmp
Panòcia
Ombrèla, enfiurescènsa che g'ha töcc i fiùr col pedezèl de longhèsa piö o méno precìza
Gràta
Sìcon
Spàdes
Spìga, enfiurescènsa furmàde de divèrsi fiùr enserìcc söndèn ràchide centràl

'Na 'nfiurescènsa che g'ha l'aspèt de 'n fiùr ünech l'è ciamàda pseudànse.