Pedùncol

De Wikipedia
(Rimandad de Pedezèl)
Salta a la navigazzion Và a cercà

Insigne Langobardiae.svg

Chest artícol a l'è scricc in Lumbàrt, ortograféa orientàl unificàda.


El pedùncol de 'n fiùr de Cymbalaria muralis

El pedùncol – o as fiuràl – l'è, 'n botànica, en ramilì picinì, piö o méno lónch, endóche 'nsìma gh'è tacàt el fiùr o 'n ensèma de fiùr.

El g'ha la strütüra de 'n stél e 'l g'ha la funsiù de fà rià la lìnfa ai fiùr che 'l tè sö.

El pöl enserìs a la sèa de le fòie (alùra l'è ciamàt ascelàre) o sö la part terminàl del ram (ciamàt terminàl).

Quan che 'ndèna piànta i fiùr i è mìa dotàcc del pedùncol alùra i è ciamàcc sèsii.

De spès la part finàl del pedùncol la se slàrga fò 'nfìna a furmà 'na strütüra ciamàda resetàcol.

El pedùncol de ògna fiurilì che fùrma 'na 'nfiurescènsa l'è ciamàt envéce pedezèl.


En sèrte spéce de piànte (per ezèmpe 'ndèl zèner Anacardium) el pedùncol el söbés 'na trasfurmasiù tal de svelöpàs en maniéra de deentà amò piö grant del fiur stès e ciapà le sembiànse de 'n fröt fals.