Sinistra Italiana

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Sinistra Italiana
Logo di Sinistra Italiana Rosso Bianco.jpg
PresidentLaura Lauri
SegretareNicola Frantoianni
StatItalia Italia
Fondazion19 de febrar del 2017
IdeolojiaSocialdemocrazia
Collocazionsinistra
Inscrivids19'346 (2017)
Colorross
$fine
This box: view  talk  edit

Sinistra Italiana l'è 'n partii politegh nasuu in del november del 2015 a la Cambra di Deputaa e in del magg del 2016 al Senad e che 'l recoeuj i parlamentaa de Sinistra Ecologia e Libertà e di sortii dal Partii Democrategh e dal Moviment 5 Stell. I gh'ha 'me giornal Left.

Ai elezion amministrativ del 2016 l'ha elegiuu el candidaa a Roma Stefano Fassina in del Consili cont el 4,5%, a Milan l'ha sostegnuu el Giusepp Sala e l'ha ciappaa 2 consijee cont el 4%, a Napoli han candidaa el Luigi de Magistris che l'ha vengiuu al ballottagg cont el 66%, a Cagliari el center-sinistra unii l'ha faa vinc el Massimo Zedda, a Bologna inveci cont el 7% han elegiuu 2 consiliee, foeura de la coalizion del Virginio Merola. Important anca el resultaa a Sesto Fiorentino, indova el sò candidaa l'ha batuu quell del PD.

Al referendum abrogativ del 2016 in Italia han sostegnuu el Sì, a quell costituzional el No, per pagura che 'l combinaa dispost in tra l'Italicum e 'l bicameralism imperfett l'avaria scassaa la differenza in tra el podè esecutiv e 'l podè legislativ.

L'ha faa el sò Congress fondativ el 19 de febrar del 2017 e ha elegiuu secretari el Nicola Fantoianni. El vegg leader Arturo Scotto l'ha seguii i scissionista del Partii Democrategh per entrà in del Moviment Democrategh e Progressista.

A dicember 2017 l'ha tolt part a la coalizion Liber e Inguai, de sinistra alternativa al PD e guidada del Pietro Grasso.