Sega Master System
El Sega Master System a l'è stada 'na console venduda in Giappon dal 1985 e in del rest del mond dal 1987, a 8 bit e fondada in su cartocc.
Successor dirett del SG-1000 l'era in competizion cont el Famicom de la Nintendo. In Brasil el gh'ha avuu grand success anca intorna al 2000.
Storia[Modifega | modifica 'l sorgent]
Sortida in Giappon 'me Sega Mark III, l'éra desviluppada in competizion cont el NES 'me evoluzion hardware del SG-1000 II. El sistema a l'è staa no on gran success, cont on milion de unità venduu.
Foeura del Giappon a l'éra venduda cont on noeuv design ma cont identich prestazion. L'éra cont Safari Hunt, gioeugh cont la pistola ottica, e cont Hang-On.
Master System II[Modifega | modifica 'l sorgent]
El success a l'è staa no però quell speraa, el rappòrt de vendita in tra Master System e NES a l'éra de 1 a 16. Donca la SEGA l'ha faa, in del 1990, ona version pussee moderna del sistema, el Master System II, senza el support ai Sega Card e con dent Alex Kidd in Miracle World o Sonic the Hedgehog.
La dismission[Modifega | modifica 'l sorgent]
L'hardware de la console a l'è staa doperaa per fà el Game Gear, console in competizion cont el Game Boy.
A l'è stada desmettuda domà in del 1996, cont el rivà del Sega Saturn.
El success in Brasil[Modifega | modifica 'l sorgent]
In Brasil la console el gh'ha avuu on gran success, grazia a 'n accord cont Tectoy. On bel poo de gioeugh a hinn staa voltaa in portoghes, anca cont di adattament colturaj.
El gh'ha avuu success finna al 2000, cont di vendit finna ai agn 2010.
Caratteristich[Modifega | modifica 'l sorgent]
- CPU: Zilog Z80
- ROM: 8 KB
- RAM: 8 KB
- VRAM: 16 KB
- GPU: Derivada del Texas Instruments TMS9918
- Son: Texas Instruments SN76489
- Port: 1 slot per cartocc e 1 per Sega Card