Robert Calderoli

De Wikipedia
Lumbard ucidental Quest articol chì l'è scrivuu in lombard, grafia milanesa.
Robert Calderoli.
(LMO)
« Mi son minga xenofob, ma disi robb xenofob »
(IT)
« Non sono xenofobo, ma dico cose xenofobe »

El Robert Calderoli (Bergom, 18 de april 1956) a l'è on politigh talian, del 22 de ottover del 2022 minister di affar regionai in del governo Meloni.

Ex-minister di riform istituzionaj in del governo Berlusconi II, a l'è staa anca coordinator di segreterii nazionaj de la Lega Nord.

L'è maridaa del 2015 con la Gianna Gancia, anca lee politega de la Lega. L'è 'l nevod del Guido Calderoli.

Procedur giudiziarii[Modifega | modifica 'l sorgent]

Descreditazion agravada da l'òdi razzial[Modifega | modifica 'l sorgent]

In del luj del 2013, el Calderoli ha dì, cont riferiment a la ministra Cécile Kyenge “Ami i animal, ors e loff comè se sa, ma inquand vedi i immagen de la Kyenge podi minga pensà minga, anca se disi minga che la è, ai somejanza d'orangotan”[1][2]. Depos avè dii chest, el 17 de luj 2013 a l'è indagaa da la Procura de la Republega de Bergom cont l'ipotes de reaa de descreditazion agravada da l'odi razzial[3]. L'episodi ha scatenaa reazion de condanna da part di esponent de ògni area del mond politigh taliano, del President de la Republega Giorgio Napolitano[4], del President del Consej Enrico Letta[5], di President de Camera e Senaa Laura Boldrini e Peder Grasso[6], de l'Onu[7], del Vatican e de Famiglia Cristiana[8].

La notizia ha avuu ona grand ecco mediatega anca sora la stampa furesta[9]. Divers esponent de partii politigh talian[10], e 'l President del Consej istess Enrico Letta[11], hann domandà i desmettiment del Robert Calderoli da la carega de vice-president del Senaa. El 6 de november del 2013 la Procura de la Republega de Bergom ha domandà el giudizzi immediaa per el Calderoli, «giustificada l'evidenza de la proeuva»[12][13].

Tutavia el 6 de fevree 2015, la gionta per i immunidaa del Senaa la refuda la relazion del senator Vito Crimi (M5S) perchè, segond la maggioranza de la gionta chì, el Calderoli avarïa daa de l'orangh a la Cécile Kyenge domà per el sò "penser politigh". Contra la sindacabilitaa, a favor del Calderoli, a s'hinn s'eraa ona maggioranza de 12 no (contra 4 sì): a favor l'M5S e part del PD, contra NCD, FI, Lega, on member del M5S e 'l rest del PD.

Nòt[Modifega | modifica 'l sorgent]

Ligamm de foeura[Modifega | modifica 'l sorgent]