Raza mediterranea

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Un irlandes, citad 'me esempi de raza mediterranea

La raza mediterranea a l'era vuna di sota-raze in che l'era partida la raza europoida in di temp indova che se classifegava l'om per raze, in su la bas de l'antropometria.

Insubida in tra la fin del secol quell de XIX e la mità de quell de XX, per i studi de l'epoca a l'éra spantegada soratut intorna al Mar Mediterrani, o ben in Spagna, Portogall, el sud de la Franza, la Bassitalia, la Grecia, la zona intorna al mar de la Turchia, el Nord Africa e 'l Medi Orient.

I so carateristeghe eren el crani slongad e largh, statura medio-bassa e snella e color de la pell olivastra, con cavej e oeugg scur.

Al dì d'incoeu i raze a inn retegnude superade, perchè meten insema di popoi propi divers che se somejen domà fisicament, anca con genetica assee diferenta, e se preferiss analizà per fenotip. Però, se parla istess de 'na civiltà mediterranea, che la met in comun i vari popoi in sul Mar, comunad de 'na storia e de 'na situazzion geografega particolar.

Bibliografia[Modifega | modifica 'l sorgent]

Vos corelade[Modifega | modifica 'l sorgent]