Raza alpina

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Un piemontes, citad 'me esempi de raza alpina

La raza alpina a l'era vuna di sota-raze in che l'era partida la raza europoida in di temp indova che se classifegava l'om per raze, in su la bas de l'antropometria.

Insubida in tra la fin del secol quell de XIX e la mità de quell de XX, per i studi de l'epoca a l'éra spantegada soratut in di Pajes de l'Europa central, in di Balcan e anca in l'Italia central e del Nord.

I so carateristeghe eren la brachicefalia, vis e front larga, statura media e tarchiada e color de la pell intermedi.

Al dì d'incoeu i raze a inn retegnude superade, perchè meten insema di popoi propi divers che se somejen domà fisicament, anca con genetica assee diferenta, e se preferiss analizà per fenotip.

Bibliografia[Modifega | modifica 'l sorgent]

Vos corelade[Modifega | modifica 'l sorgent]