Pizza
| Pizza | |
|---|---|
 | |
| Origen | |
| IPA | [ˈpitːsa] |
| Pòst d'origen |  Italia |
| Region | Campania |
| Spantegament | Mondial |
| Dettaj | |
| Categoria | piatt unegh |
| Ingredient principaj | farina aqua oli de oliv saa levaa (alter ingredient a segonda de la variant) |
| Variant | Pizza napoletana Focaccia Piscialandrea Pizza genovese Pizza siciliana |
La pizza l'è on mangià tipegh de Napoli, che l'è faa su de aqua, farina, saa e levaa e che, dopo avè levaa per almanch 24 or, el ven lavoraa fina a 'vèggh ona forma piatta, vess cott in d'on prestin e condii con vari aliment.
A l'è 'l mangià pussee famos e rapresentativ de la cusina italiana.
Tipega soratutt de l'area mediterranea, la pussee cognossuda a l'è la pizza napolitana, ciamada anca Margarita, ma la gh'è anca de Napoli la pizza marinara. Anca zone compagne de Genoa, Pisa, i Marche e la Sicilia gh'hann la soa pizza, menter che a Milan, a partì di agn '60, la s'è desvilupada la pizza al trancc.
In di Stat Unii, anca grazzia a 'na forta immigrazion italiana, s'hinn desviluppaa vari tipi de pizza, compagna de la Deep-dish pizza, de la pizza californiana e de la pizza newyorkesa. Originaria del Canada l'è inveci la pizza con l'ananas.
