Saa

Quel articul chì l'è scrivüü in Lumbard, cun l'urtugrafia insübrica ünificada.

Quella vus chi la gh'ha minga di funt u hin trop poch. Per piesé, giunta di funt a la vus. Insì de vegh un'idea de tücc i olter vus senza font, vardii chì.

Disambiguazión – Se te see dree a cercà el concett crittografich, varda Saa.

Strütüra del clurür de sodi: i jun sòdi a hinn verd, quij clurür blö

Una saa a l'è un cumpost chimich che l'è faa de jun pusitif, ciamaa catiun, e jun negatif, ciamaa aniun. Intra 'sti jun chì a gh'hinn interaziun eletrustatich coulombian repülsif e atratif, che dan pöö el ligam jonich. De solit tücc i cumpost cunt i ligam jonich se ciamen saa.
In general, i saa inurganich gh'hann 'me catiun un metal, e 'me aniun un minga-metal o un sò ossid. In cundiziun nurmaj, un saa inurganich a l'è un cristal.
I saa urganich a hinn saa d'un catiun o un aniun d'una mulecula urganiga.
I cumpost che gh'hann tüc i catiun 'me prutun (H+) o tücc i aniun idrossid (OH−) a hinn minga saa ma acid o bas.

Reaziun per fà i saa

Reatif	Prudot	Esempi
Bas + acid	Saa + aqua	`2NaOH + H₂SO₄ $\Longrightarrow$ Na₂SO₄ + 2H₂O` (sulfaa de sodi)
Metal + acid	Saa + idrogen	`Zn + H₂SO₄ $\Longrightarrow$ ZnSO₄ + H₂` (sulfaa de zinch)
Anidrid + ossid basich	Saa	`CO₂ + CaO $\Longrightarrow$ CaCO₃` (carbunaa de calci)
Ossid basich + acid	Saa + aqua	`Fe₂O₃ + 6 HNO₂ $\Longrightarrow$ 2 Fe(NO₂)₃ + 3 H₂O` (nitrii ferich)
Metal + minga metal (del 6° o del 7° periud del grüp A)	Saa (ussigenaa)	`Zn + Cl₂ $\Longrightarrow$ ZnCl₂` (clurür de zinch)
Bas + anidrid	Saa + aqua	`2NaOH + SO₂ $\Longrightarrow$ Na₂SO₃ + H₂O` (sulfii de sodi)

A bun cünt gh'en è anca alter de maner per fà una saa cunt una saa 'me reatif: saa + acid, saa + minga-metal, saa + idrossid, saa + saa.