Pittosporum

De Wikipedia
Lumbard ucidental Quest articol chì l'è scrivuu in lombard, grafia milanesa.
pittosporum
occ.: ????
or.: ????
Pittosporum heterophyllum
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Apiales
Famìa: Pittosporaceae
Zèner: Pittosporum

El Pittosporum a l’è on géner de piant de la famiglia di Pittosporacei, originari de l’Africa, l’Asia, l’Australia e i ìsol del Pacifich.

Quèll gener chì el tira denter di piant a contégn arbòreo e arbistìv, che pòden raggióng divèrsi meter de altèzza. Quèll’alber chì el prodùss di borlìtt piscinitt verd minga commestìbil. In Italia el ven coltivàa ‘me ‘na pianta ornamentàl e per costruì i sces adrée a i riv del mar in del sud de l’Italia, in Sardegna e in Sicilia, ma anca in lLiguria. Modell:Dx

Speci coltivàa[Modifega | modifica 'l sorgent]

Infra i speci pussée coltivàa ‘me di piant ornamentàj ciamom:

El nòmm Pittosporum el ven del grècch "pitta = pésa" e "sporos = somenza" o ben "somenza cont on rivestimént resinós" per via del fàa che la somenza de quèll géner chì l’è quattada su d’ona sostanza tacchenta compagna de la résina.

Utilizzazion[Modifega | modifica 'l sorgent]

‘Me pianta ornamental in di giardìn, e in di parch e in di viàl, soratùtt di zòn de la rivéra, per di sces e di smagg de arbust. In di clima con di invèrna molto frécc e longh el pò vèss coltivàa sora i terràzz.

A hinn di piant molto visitàd di av per via del sò nettà,[1][2] e se ghe n’è assée pòden dà on òttim mel.[3]

Métod de coltivazión[Modifega | modifica 'l sorgent]

Voeuren ‘n’esposizion al sol tutt el dì, de la terrètta de medi impàst tendent al compàtt e dotada de bon risèrv de acqua in del cors de l’estàa.

Per mantegnì ‘na forma de la sciòma compàtta e decorativa, despèss la pianta la gh’ha de vèss gabada.

Ona scesa de pittosporum

La moltiplica la ven trada innanz per somenà o, per i varietàa che gh’hànn di foeuj varìi, per mèzz del taj.

Disgrazi[Modifega | modifica 'l sorgent]

  • I attacch de coccinili pòden vèss molto gravi, s’a se interven no a temp.
  • El gel fàòrt e longh el pròvoca di dagn ai piant foeura de la tèrra.

Riferiment[Modifega | modifica 'l sorgent]

  1. (FR) Pittosporum tenuifolium & Apis mellifera. 2017-03-01. URL consultad in data 2020-05-14.
  2. (FR) Pittosporum heterophyllum & Apis mellifera. 2017-03-01. URL consultad in data 2020-05-14.
  3. (EN) Mel. URL consultad in data 2020-05-14.