Pittosporum tenuifolium

De Wikipedia
Lumbard ucidental Quest articol chì l'è scrivuu in lombard, grafia milanesa.
pittosporum tenuifolium
occ.: ????
or.: ????
Pittosporum heterophyllum
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Apiales
Famìa: Pittosporaceae
Zèner: Pittosporum
Spéce: pittosporum tenuifolium

El Pittosporum tenuifolium a l’è on arbùst originari de la Noeuva Zelanda che l’è part de la famiglia di Pittosporacei. El géner Pittosporum che la specie tenuifòlium ghe partén el tira dent circa 150 speci. A hinn di arbùst dopràa soratutt per fin de ornamént con del fojàmm persistent che la soa altèzza massima la pò toccà anca i 5 o i 6 meter cont on diametro fin a 3 meter. El P. tenuifollium el se presenta con di foeuj ovàl-slongàd e de colór verd-ciàr grand infra i 3 de i 5 centimeter. La fiorida la succéd d’aprìl con di fior scur che tenden al marón-pórpora che manden foeura on profùmm legger de de vanilia. La specie la se presenta con divèrsi varietà infra di quàj gh’è:

  • l’Augyrophillum - con di foeuj varìd de bianch.
  • Aureo-variegatum – con di foeuj smaggiàd de giald.
  • Garnettii – con di foeuj cont on bòrd bianch che ‘l tend al crema.
  • Irene Patterson – con di foeuj smaggiàd de bianch-crema.
  • Purpureum - con di foeuj che tenden al colór del bronz.
  • Silver queen – con di foeuj scannellàd in colór gris-argent
  • Variegatum – cont el fust compagn d’ona colòna e di foeuj guzz de color verd ciàr cont el màrgin bianch.

Di varietà come la Silver queen e la nevato vegnen anca dopràa ‘me di frasch tajàa via per fa su di mazz de fior.

A l’è ona pianta molto visitada di av per via del sò nettà.[1]

Ligamm de foeura[Modifega | modifica 'l sorgent]

  1. (FR) Pittosporum tenuifolium & Apis mellifera. 2017-03-01. URL consultad in data 2020-05-14.