Pileus
In meteorologia, con piléus, (de l’istèssa paròla in latin), cont el significaa de "cappèll, barrètt"), l’insegna ona nivola accessòria piscinina sviluppada in orizzontàl a forma de barètt che la pò comparì sora on cumul o on cumulonemb. El pileus, di vòlt el pò anca intraversà el cumul e pòden anca formàss pussée de vun pileus vun sora l’alter. [1] I pileus pussée consisten hinn ciamà bònnet (de l'istèssa paròlla in lengua inglesa). [2]
Caratteristich[Modifega | modifica 'l sorgent]
On pileus, che ‘l tend a cambià la soa forma a la svèlta, l’è fa su de la corrent ascendenta denter in del cumul che la mena l’aria ùmeda di quòt de sòta ai quòt de sora, fin a che la riva al pont de rosada per compression adiabatega. I pileus, donca de sòlit vegnen insèma a condizion de brutt temp. On pileus sora on cumul el pò voré dì che l’è ‘drée a trasformass ind on cumulonemb, de già che ‘l fa segnàl de la presenza di fòrt corrent ascendent.
I nivol che gh’hann di pilèus generalment hinn ciamàa cont el suffiss "pileus".Per esempi, on cumulonemb che ‘l gh’hà on piléus in su la soa scima el po’ vèss ciamàa cumulonimbus pileus.
Alter formazion del pileus[Modifega | modifica 'l sorgent]
On piléus el po’ anca formàss sora ona nivola de scendra vulcanica oppùr de on pirocumul fa su per via de on eruzion vulcanica.
Evoluzion[Modifega | modifica 'l sorgent]
La formazion de on piléus l’insegna che la nivola originaria l’è ‘drée a vegnì pussée gròssa, càrega de umidità e molto instabil. De conseguenza la podarìss trasformàss a la svèlta ind on cumulonimbus incus. Quèll tipo de nivol chì la pò provocàa de vèra on brutt temp e donca, el comparì de on pileus l’è de vèss vedùu come ‘l segnàl de on temporal de lì adrée.
La presenza del piléus sora ona nivola a l’è anca on segnàl di vent fòrt che pòden provocà anca dagn seri.
Riferiement[Modifega | modifica 'l sorgent]
- ↑ (FR) Organizzazione meteorologica mondiale. Pileus. Eumetcal. URL consultad in data 16 aprile 2016. (arqiviad de l'url orijenal in data 3 marzo 2016)
- ↑ Gabriele Formentini (2009). Temporali e e Tornado (in italian). Alpha Test, 52-60. ISBN 978-88-483-0992-9.
Ligamm de foeura[Modifega | modifica 'l sorgent]
- Factbytes article on cumulonimbus clouds - Pagina, in inglese, sulla classificazione di vari tipi di cumulonembo.